Matthew 12:17 - De Nyew Testament

¹⁷ Wen Jedus do dis, e mek come true wa de prophet Isaiah done say,

Matthew 12:17 Iomraidhean Croise

Matthew 12:16

E waan de people, chaage um say, “Mus dohn tell nobody bout me.”

Matthew 12:18

“Dis yah me saabant wa A done pick fa do me wok. A lob um an A sho please wid um. A gwine pit me Sperit eenside um, an e gwine tell all people God gwine sabe um.

Matthew 13:35

E tell um paable so dat wa de prophet done say, dat gwine happen, wen e say, “A gwine tell paable wen A da taak ta de people. A gwine tell um bout de ting dem wa dey ain been know fom de time wen de wol fus staat.”

Matthew 21:4

Dis happen fa mek come true wa de prophet been say gwine happen, wen e say,

Matthew 8:17

All dem ting yah dat Jedus do, dey happen fa mek come true wa de prophet Isaiah been say. E say, “E tek way all we ailment. E cyaa off all we sickness.”

Luke 21:22

Cause dat de time dey wen God gwine punish de people an do all dat de prophet dem done write down een God Book.

Luke 24:44

Jedus tell um say, “Wen A been dey wid oona, A done tell oona bout dis. A tell oona dat all ting wa Moses been write down een de Law bout me, an wa dem prophet write down, an all dey write down een de Psalms bout me, dey all haffa happen fa true.”

John 10:35

We know dat wa dey done write een God Book true all de time. An God done say ta de people wa e gii e wod ta, dat dey god dem.

John 12:38

All dis happen so dat de wod wa de prophet Isaiah been say, gwine come true. E say, “Lawd, who dat wa been bleebe we wod? Who dat de Lawd show e powa ta?”

John 19:28

Wen dat happen, Jedus know e done done all wa e spose fa do een dis wol, an e say, “A tosty.” Wen e say dat, wa dey been write een God Book come true.

De Postle Dem 13:27

De people dat lib een Jerusalem an dey leada dem ain been know who dat Jedus da. Dey ain know e come fa sabe um. Dey ain ondastan bout de wod dem dey beena read ebry Woshup Day, dem wod dat de prophet dem done write. Stillyet, wen de people condemn Jedus, dey mek wa dem prophet done been write bout Jedus come true.