Matthew 11:6 - De Nyew Testament

⁶ De one wa ain loss e fait een me, e bless fa true.”

Matthew 11:6 Iomraidhean Croise

Matthew 13:21

Bot dey ain got no root. De wod ain down deep een dey haat fa true, so dem people bleebe jes a leetle wile. Cause dey beena bleebe de wod, dey git trouble an people mek um suffa. So den dey lef tareckly.

Matthew 18:7

E gwine be a haad time fa de people een de wol cause ob dem ting dey wa da mek um sin! Fa true, ting gwine happen wa mek people wahn fa do bad. Bot de poson wa mek dem ting happen, e gwine hab plenty trouble!

Matthew 24:10

Een dat same time dey, plenty people gwine fall eenta sin an ain gwine folla me no mo. Dey gwine hate one noda an han one noda oba ta de tority dem.

Matthew 26:31

Den Jedus tell um say, “Dis night, oona all gwine ron way an bandon me. Cause dey write een God Book say, ‘God gwine kill de shephud, an de sheep gwine scatta.’

Matthew 5:29

So ef ya right eye da mek ya sin, dig um out an chunk um way! Fa sho, e mo betta fa loss jes one paat ob ya body, den fa leh ya whole body git chunk eenta hell.

Mark 6:3

Dis man jes de capenta, ainty? Ain e Mary son? An James, Joseph, an Judas an Simon dem e broda, ainty? An e sista dem yah wid we, ainty?” So dat how de people beena taak ginst Jedus.

Luke 2:34

Simeon aks God fa bless um, an e tell Mary, e modda, say, “Fa true, God done pick dis chile fa come. Wen dey shim, plenty Israel people gwine be stroy cause dey ain bleebe um. An plenty oda Israel people gwine bleebe um, an God gwine sabe dem. God sen Jedus fa sho we wa God wahn we fa do. Bot a heapa people gwine taak ginst um.

Luke 7:23

De one wa ain got no doubt bout me, e bless fa true!”

John 16:1

Jedus say, “A done tell oona all dis so dat oona ain gwine fall fom oona fait een me.

John 6:66

Fom dat time dey, plenty people wa beena folla Jedus, dey ton back an ain folla um no mo.

1 Corinth 2:14

De poson wa ain got God Sperit eenside um, e ain pay no mind ta dem ting dat God Sperit da gii we, cause dem ting ain mek no sense tall ta um. E ain able fa ondastan um, cause e God Sperit wa able fa mek people ondastan dem ting.

Galatia 5:11

Me Christian bredren, look at me own trouble yah. Ef like dey say, A still beena tell people dat dey haffa git circumcise, hoccome dey da mek me suffa so? Ef fa true A beena tell um dat dey haffa git circumcise, den people ain oughta still mek trouble wen A da tell um bout wa Christ det pon de cross mean.

1 Peter 2:8

An dey write gin een God Book say, “Dis de stone wa mek people stumble. Dis de rock wa mek um faddown.” Dem people yah stumble cause dey ain do wa God wod tell um fa do, an dey got wa fa come ta um.