Matthew 10:1 - De Nyew Testament

¹ Jedus call e tweb ciple togeda, an e gim powa fa dribe out ebil sperit an fa heal dem wa hab all kind ob ailment.

Matthew 10:1 Iomraidhean Croise

Matthew 19:28

Jedus tell um say, “A da tell oona fa true say, een de wol wa gwine come, wen de Man wa Come fom God gwine seddown pon e shrone fa rule de wol wid great glory, oona wa beena folla me gwine seddown too, pon tweb shrone fa jedge de tweb tribe ob Israel.

Matthew 26:20

Wen ebenin time come, Jedus an de tweb ciple dem come seddown ta de table fa nyam.

Matthew 26:47

Wiles Jedus beena taak, Judas, wa been one ob de tweb ciple dem, e git dey. E come wid a whole heapa people da tote sode an big stick fa fight wid. De leada dem ob de priest dem an de oda Jew leada dem done sen dem people yah wid Judas.

Matthew 4:23

Jedus gone all shru Galilee. E beena laan de people een de Jew meetin house dem, an e tell um de Good Nyews bout how God da come fa rule. An e heal all kind ob ailment dat de people hab.

Matthew 6:13

Leh we dohn hab haad test wen Satan try we. Keep we fom ebil.’

Matthew 9:35

Jedus gone roun ta all de town an willage dem. E beena laan de people een dey meetin house an tell um de Good Nyews bout God rule. An e heal de sick people wa got all kind ob ailment.

Matthew 9:38

Mus pray ta de Lawd ob de crop fa sen out mo han fa geda de crop.”

Luke 10:19

Fa true, A done gii oona powa oba de enemy an all de powa e got. Ef oona waak pon snake an scorpion, dey ain gwine hut oona. Nottin ain gwine hut oona.

Luke 21:15

Cause A gwine gii ya nuff wise wod an sense fa ansa dem. Eben oona enemy dem gwine haffa gree wid wa ya tell um.

Luke 24:49

An A gwine sen oona wa me Fada done promise. Bot fo oona go, oona mus wait een de city til oona git dat Holy Sperit powa wa gwine come outta heaben an come down pon oona.”

Luke 6:13

Wen day clean, e call e ciple dem fa come ta um, an e pick tweb dem. E gim name postle, dat mean e gwine sen um out fa do e wok.

John 17:2

Cause ya done gii de Son tority oba all people, so dat e kin gii life wa las faeba ta all dem people wa ya done gim.

John 3:27

John tell um say, “Ain nottin like dis kin happen ta a poson cep God mek um happen.

John 3:35

God we Fada da lob e Son an e gim chaage oba all ting.

John 6:70

Den Jedus say, “A done pick oona all tweb, ainty? Stillyet, one ob oona a debil!”

De Postle Dem 1:8

Wen de Holy Sperit come pon oona, e gwine gii oona powa, an oona gwine tell all bout me een Jerusalem, an all oba Judea an Samaria, an eben ta de fudares place een de wol.”

De Postle Dem 19:15

Bot de ebil sperit tell um say, “A know Jedus, an A know Paul, bot who ya da?”

Revelation 12:1

Den op een de sky A see one great sign wa stonish all de people. One ooman been dey, an de sun kiba um jes like a dress. An de moon been dey onda e foot. E been weah crown wa got tweb staa een um, pon e head.