Mark 8:11 - De Nyew Testament

¹¹ Some Pharisee come ta Jedus an staat fa aagy wid um. Dey wahn fa trick um, so dey aks um fa do a sign fa sho dat God sen um fa true.

Mark 8:11 Iomraidhean Croise

Matthew 12:38

Den some Jew Law teacha an some Pharisee dem say, “Teacha, show we a sign.”

Matthew 19:3

Some Pharisee dem been wahn fa ketch um da taak ginst God Law, so dey aks um say, “Coddin ta we law, e right fa man fa worce e wife, wasoneba mek um wahn fa do um?”

Matthew 21:23

Jedus gone eenta God House. An wiles e beena laan de people dey, de leada dem ob de Jew priest dem an oda Jew leada dem come aks Jedus say, “Tell we, hoccome ya got de right fa do dem ting yah? Whodat gii ya dat right?”

Matthew 22:15

Den de Pharisee dem gone way an mek plan togeda fa aks Jedus schemy queshon fa trip um op.

Matthew 22:18

Bot Jedus see shru dey trick, so e tell um say, “Oona hypicrit! Hoccome oona da try fa tek wa A say fa ketch me?

Matthew 22:23

Dat same day dey, some Sadducee come ta Jedus. De Sadducee dem say dat dead people ain gwine git op fom mongst de dead an lib gin. Dey come aks Jedus one queshon.

Mark 12:15

Tell we ef we oughta pay um or ef we ain oughta.” Bot Jedus know dem hypicrit people done say dat fa set trap fa ketch um. So e ansa um say, “Hoccome oona da try fa tek wa A say fa trap me? Bring me a coin so we kin look pon um.”

Mark 2:16

Some Jew Law teacha wa been Pharisee see Jedus da nyam wid dem people yah, dem wa geda tax an dem oda dat de leada dem hole cheap. So den, dey gone aks Jedus ciple dem say, “Jedus ain oughta nyam wid dem kinda people, ainty?”

Mark 9:16

Jedus aks e ciple dem say, “Wa oona beena aagy bout wid dem Law teacha?”

Luke 10:25

One Jew Law teacha come op fa test Jedus. E aks Jedus say, “Teacha, wa A haffa do fa git life wa las faeba?”

Luke 11:16

Oda people try fa test Jedus. Dey tell um say, “Mus do one dem miracle fa sho we dat ya hab God powa fa true.”

John 4:48

Jedus say, “Ain none ob oona neba gwine bleebe dout oona see me da do miracle an oda great ting.”

John 6:30

Dey aks um back say, “So den wa miracle ob powa ya gwine do so dat we gwine see an bleebe ya? Wa wok ya gwine do?

John 7:48

Oona ain neba know no Jew leada needa no Pharisee wa bleebe pon Jedus, ainty?

John 8:6

Dey say dat fa yeh wa Jedus gwine say. Dey beena try fa mek Jedus say sompin so dat dey kin cuse um, say e ain ansa right. Bot Jedus stoop down an write pon de groun wid e finga.

De Postle Dem 5:9

Peter tell um say, “Wa mek ya an ya husban gree fa test da Sperit ob de Lawd? Look yah! De man dem wa done bury ya husban, dey da come ta de door. Dey gwine tek ya out an bury ya too!”

1 Corinth 10:9

We mus dohn try de Lawd, like some ob dem done, an snake bite um an dey dead.