Mark 3:6 - De Nyew Testament

⁶ De Pharisee dem gone outta de Jew meetin house. Dey gone meet right way wid some ob King Herod people fa see how dey gwine kill Jedus.

Mark 3:6 Iomraidhean Croise

Matthew 12:14

Bot de Pharisee dem lef dey an meet fa study how dey gwine kill Jedus.

Matthew 22:16

Dey sen dey own ciple dem ta Jedus, togeda wid some ob de Jew people wa been jine Herod group. Dey sen um fa go tell Jedus say, “Teacha, we know ya da taak true, an ya da laan we de true way fa folla God. Ya ain warry bout wa people da tink, cause ya da look pon all people de same.”

Mark 12:13

Dey sen some Pharisee an some ob King Herod people ta Jedus fa ketch um, mek um say sompin so dey able fa cuse um.

Mark 8:15

Wen dey gwine, Jedus waan um say, “Oona mus tek cyah. Mus look out fa de yeast wa de Pharisee dem an Herod da nyuse.”

Luke 22:2

De leada dem ob de Jew priest dem an de Law teacha dem beena study dey head fa figga how fa kill Jedus dout nobody find out bout um. Cause dey been scaid ob de people.

Luke 6:11

De Law teacha an de Pharisee dem been mad down. Dey aks one noda say, “Wa we kin do ta Jedus?”

John 11:53

Fom de day wen Caiaphas say dat, de Jew leada dem mek scheme fa kill Jedus.

De Postle Dem 4:25

De Holy Sperit taak fa ya an tell ya saabant David fa say, ‘Wa mek dem diffunt nation bex so bad? Hoccome de people scheme fa do wa de Lawd ain wahn an den dey ain able fa do um?