Luke 8:46 - De Nyew Testament

⁴⁶ Bot Jedus say, “Somebody done tetch me. A know, cause powa done gone outta me.”

Luke 8:46 Iomraidhean Croise

Luke 5:17

One day wen Jedus beena laan de people, some Pharisee an Jew Law teacha dem beena seddown dey. Dey been come fom ebry town een Galilee an Judea an fom Jerusalem. An de powa ob de Lawd God been wid Jedus fa heal de sick.

Luke 6:19

Ebrybody beena try fa tetch Jedus, cause powa beena come out fom um. An dat powa heal all ob um.

Luke 8:47

De ooman wa tetch Jedus cloes find out dat e ain able fa hide. E staat fa tremble, an e come git down pon de groun ta Jedus foot. Fo all de people, dat ooman tell Jedus hoccome e been tetch um, an how dat same time wen e tetch um, e done git heal.

1 Peter 2:9

Bot God done pick oona fa be one people. Oona God own priest dem wa da saab de King. Oona a nation wa gii oonasef ta God. Oona God own people wa e pick fa tell bout de great wok dem wa e da do. E pick oona fa tell all de people, da praise God wa call oona outta de daak an bring oona eenta e wondaful light.