Luke 8:29 - De Nyew Testament

²⁹ De man taak so, cause Jedus done chaage de ebil sperit wa been eenside de man fa lef um. Plenty time de sperit beena tek hole ta de man an mek um ron way ta de desat. Eben dough people tie e han an e foot wid iron chain an gyaad um, ebry time e buss de chain an de ebil sperit mek um ron way.

Luke 8:29 Iomraidhean Croise

Mark 5:8

De man taak dat way cause Jedus beena tell um, say, “Ebil sperit, come out fom eenside dis man.”

Luke 8:28

Wen de man see Jedus, e holla loud an git down pon de groun fo Jedus foot. E holla say, “Jedus, ya de Son ob de Mos High God! Wa bidness ya got wid me? A da beg ya, do please, dohn toment me!”

Luke 8:30

Jedus aks um say, “Wa ya name?” E ansa um, “A name ‘Plenty.’ ” E say dat cause plenty ebil sperit been dey eenside um.

Luke 9:39

A ebil sperit tek hole ta um. Dat sperit mek um holla all ob a sudden. E ketch fits, an e da foam out de mout. De sperit keep on da bruise um op. Ain haadly eba lef um off.

Luke 9:42

Wiles de boy beena come ta Jedus, de ebil sperit shrow um down ta de groun wid fits. Bot Jedus gii orda ta dat ebil sperit fa come outta de boy, an de boy been heal. Den Jedus gim back ta e fada.