Luke 7:21 - De Nyew Testament

²¹ Dat same time, Jedus beena heal plenty people. E heal dem wa sick, an e dribe out ebil sperit wa been een some ob de people, an e mek a heapa bline people see.

Luke 7:21 Iomraidhean Croise

Matthew 4:23

Jedus gone all shru Galilee. E beena laan de people een de Jew meetin house dem, an e tell um de Good Nyews bout how God da come fa rule. An e heal all kind ob ailment dat de people hab.

Matthew 4:24

De nyews bout Jedus spread all oba Syria country, an de people come ta um. Dey come da tote all de sick people dat hab all diffunt kind ob ailment. Some dem beena suffa plenty pain an some hab ebil sperit eenside um. Some hab fits an some ob dem ain able fa eben moob. Dey all come ta Jedus, an e heal dem op.

Mark 3:10

Cause Jedus done beena heal plenty sick people, so all de people wa sick beena crowd um fa try fa tetch um.

Mark 5:29

So e tetch Jedus cloes an same time de bleed done stop, bam! An e feel een e body e done git well ob e misery.

Mark 5:34

Jedus tell um say, “Me daughta, cause ya bleebe, ya done git well. Go een peace wid quiet haat. Dat kind ob misery ain gwine come pon ya no mo.”

Luke 7:20

Wen de man dem git ta Jedus, dey tell um say, “John wa Bactize sen we fa aks ya ef ya de one wa been gwine fa come, or we spose fa look fa somebody else.”

Hebrew 12:6

Cause de Lawd da punish de one dat e lob. E da punish de one dat e tek fa be e chile.”