Luke 7:17 - De Nyew Testament

¹⁷ Dis nyews bout Jedus git roun shru Judea an all de arie close by.

Luke 7:17 Iomraidhean Croise

Matthew 2:1

Now Jedus been bon een Betlem town, een Judea, jurin de same time wen Herod been king. Atta Jedus been bon, some wise man dem dat study bout de staa dem come ta Jerusalem fom weh dey been een de east.

Matthew 4:24

De nyews bout Jedus spread all oba Syria country, an de people come ta um. Dey come da tote all de sick people dat hab all diffunt kind ob ailment. Some dem beena suffa plenty pain an some hab ebil sperit eenside um. Some hab fits an some ob dem ain able fa eben moob. Dey all come ta Jedus, an e heal dem op.

Matthew 9:26

Den de nyews spread all oba dat lan dey bout wa Jedus done.

Matthew 9:31

Bot de man dem gone an spread de nyews bout Jedus all oba dat lan dey.

Mark 1:28

Dat same time dey, people staat fa taak all oba Galilee lan bout de ting dem wa Jedus done.

Mark 6:14

De nyews bout Jedus spread all oba til King Herod, wa beena rule een Galilee, yeh bout um. Some people say, “Dis yah John wa Bactize. E done dead bot now e da lib gin, come outta e grabe. Dat wa gim powa fa do miracle.”

Luke 4:14

Jedus gone back ta Galilee wid de powa ob God Sperit, an de nyews bout Jedus git roun ebryweh een de whole arie.

Luke 7:14

E gone oba an tetch de coffin, an de man dem wa beena tote de coffin, dey stop. Jedus tell de dead man say, “Nyoung man, A da tell ya say, mus git op.”