Luke 7:14 - De Nyew Testament

¹⁴ E gone oba an tetch de coffin, an de man dem wa beena tote de coffin, dey stop. Jedus tell de dead man say, “Nyoung man, A da tell ya say, mus git op.”

Luke 7:14 Iomraidhean Croise

Mark 5:41

Jedus hole de chile han an tell um say, “Talitha koum!” Een dey way ob taak, dat mean “Me chile, A tell ya, git op.”

Luke 7:13

Wen de Lawd see de ooman, e haat been hebby fa um, an e tell um say, “Mus dohn cry!”

Luke 7:15

De nyoung man wa been dead, e set op an staat fa taak. An Jedus gim ta e modda.

Luke 7:17

Dis nyews bout Jedus git roun shru Judea an all de arie close by.

John 11:25

Jedus tell um say, “A da mek people git op an come outta dey grabe, an A da gim life. De one wa bleebe pon me, eben dough e done dead, stillyet e gwine lib gin.

John 5:21

Jes like how de Fada da mek people wa done dead git op, come out fom dey grabe an mek um lib gin, same fashion de Son da gii life ta dem dat e wahn fa gim.

John 5:25

Fa true, de time da come an e done come now, wen de people wa done dead gwine yeh wa God Son da say, an ebrybody wa yeh de Son gwine lib.

Rome 4:17

Like dey write een God Book say, “A done mek ya fa be de fada ob a heapa nation.” Een God eye, Abraham we fada, an God de one Abraham trus. God de same God wa da mek people wa done dead git life gin. E jes gii de wod, an dem ting wa ain been dey een de wol, dey dey dey.

Ephesus 5:12

Ef somebody eben taak bout de bad ting wa people do wen nobody shim, e da shame esef.