Luke 6:12 - De Nyew Testament

¹² Jurin dat time Jedus gone op a hill fa pray. E beena pray ta God all shru de night.

Luke 6:12 Iomraidhean Croise

Matthew 5:1

Wen Jedus see all de crowd dem, e gone pontop one high hill. E seddown dey, an e ciple dem come geda roun um.

Matthew 6:6

Bot wen ya da pray, ya mus go eenta ya room. Ya mus shet de door an pray ta ya Fada God wa dey een heaben weh ya cyahn shim. Ya Fada da see all wa ya da do, eben wen nobody else ain shim. An e gwine pay ya back.

Mark 1:35

Aaly maanin, fo day clean, Jedus git op an lef de house. E gone ta a place weh dey ain been no people, weh e pray ta God.

Mark 3:13

Jedus gone op one high hill an e call out de man dem wa e wahn fa come, an dey gone fa meet um.

Mark 6:46

Atta e done lef de people, Jedus gone op one hill fa pray ta God.

Luke 5:16

Bot Jedus lef um an gone off by esef weh dey ain no people, fa pray ta God.

Luke 6:11

De Law teacha an de Pharisee dem been mad down. Dey aks one noda say, “Wa we kin do ta Jedus?”

Luke 6:17

An Jedus come down de hill wid e postle dem. E gone an stan weh de groun been lebel, an plenty oda e ciple dem been wid um. An a whole heapa people geda dey. Dey come fom all oba Judea an fom Jerusalem, an some come fom dem town close ta de sho een Tyre an Sidon. Dey come fa yeh Jedus an fa hab um heal um.

Luke 9:18

One day Jedus been ta esef an e beena pray. Wen e ciple dem come jine um, e aks um say, “Who de people say A da?”

Luke 9:28

Wen bout eight day done pass atta e say dat, Jedus call Peter, John, an James fa go long wid um. Dey gone pontop a high hill fa pray.

Luke 9:29

Wiles Jedus beena pray, e face change. E cloes change too. Dey ton pure white an beena shine like shaap lightnin.

John 6:3

Jedus an e ciple dem gone op ta a mountain an seddown dey.

Colosse 4:2

Oona mus keep on da pray all de time. Pit oona haat pon dem ting wa oona da tell God, an tell um tankya.

Hebrew 5:7

Wen Jedus beena lib een dis wol, e pray ta God, de one wa able fa sabe um fom det, da cry out loud an da weep. E aks God fa de ansa wid all e haat. An God yeh de pray wa Jedus pray, cause all de time Jedus been ready fa do all wa God say.