Luke 5:5 - De Nyew Testament

⁵ Simon ansa um say, “Massa, we done try all night an we ain ketch nottin. Bot cause ya say fa do um, A gwine cyas de net gin.”

Luke 5:5 Iomraidhean Croise

Luke 17:13

Dey holla say, “Jedus! Massa! Hab mussy pon we!”

Luke 8:24

De ciple dem gone an wake Jedus op. Dey holla say, “Massa, Massa, we all gwine git drown!” Jedus wake op. E buke de big wind an de swellin wata. E tell um fa stan still. Dat big wind stop blow jes den, an de swellin wata gone down. Ebryting calm right down.

Luke 8:45

Jedus aks de people say, “Who dat done tetch me?” Ebrybody tell um say, “A ain tetch ya.” Den Peter an dem wa been long wid um say, “Massa, all de crowd yah roun ya da push ginst ya. Wa mek ya aks who dat tetch ya?”

Luke 9:33

Wen Moses an Elijah staat fa lef Jedus, Peter tell Jedus say, “Massa, e a good ting we yah! Leh we mek shree bush aaba, one fa ya, one fa Moses, an one fa Elijah.” Bot Peter ain beena ondastan wa e beena taak bout.

Luke 9:49

John tell Jedus say, “Massa, we done see one man da dribe out ebil sperit by de powa ob ya name. We tell um fa stop dat, cause dat man ain one ob we.”

John 15:14

Oona me fren ef oona do wa A chaage oona fa do.

John 2:5

Jedus modda tell de saabant dem say, “Oona mus do wasoneba e tell oona fa do.”

John 21:3

Simon Peter tell um say, “A da gwine fa fish.” Dey ansa Peter say, “We gwine come wid ya.” So dey gone an git eenta de boat. Dey fish all night bot dey ain ketch nottin.