Luke 5:1 - De Nyew Testament

¹ One day, Jedus beena stanop pon de sho ta Lake Gennesaret. All de people crowd bout um fa yeh God wod.

Luke 5:1 Iomraidhean Croise

Matthew 11:12

Fom de time wen John wa Bactize tell people bout God rule, op til now, dey been plenty people da fight ginst God rule fa tek um way.

Matthew 14:34

Wen dey been cross oba de lake, dey lan ta Gennesaret.

Mark 3:9

De people been so many dat Jedus tell e ciple dem fa draw op a boat, bring um close ta de sho ready fa um fa go eenta, ef de people crowd um tommuch.

Mark 4:1

One oda time Jedus staat fa laan de people wa been wid um close by Lake Galilee. An a heapa people geda roun um til de crowd been too big. So e gone seddown eenside a boat, dey een de wata close ta de sho. An de crowd beena stan pon de sho.

Mark 5:24

So den, Jedus gone wid Jairus. Now sommuch people beena gwine long wid Jedus dat dey beena crowd um fom ebry way.

Mark 6:53

Jedus an e ciple dem done cross oba de wata ta Gennesaret town, weh dey tie op de boat.

Luke 12:1

Same time, a whole heapa people come fa yeh Jedus. Dey beena crowd op togeda so, til dey beena step pontop one noda. Fus Jedus laan e ciple dem. E tell um say, “Mus dohn be no hypicrit like dem Pharisee. Mus dohn fool op wid dem hypicrit, wa stan like yeast mix op een flour. E all kiba op an e da spread all oba eenside de flour.

Luke 5:2

E see two boat dey, pull op pon de sho. De fishaman dem done lef um an beena wash dey net.

Luke 8:22

One day, Jedus tell e ciple dem say, “Leh we go cross ta de oda side de lake.” So dey git eenta a boat an cyas off.

Luke 8:23

Wiles dey beena sail, Jedus drop da sleep een de boat. Jes den, a big wind come an blow oba de lake. E mek de wata come een de boat til e mos sink. Dey been een a fix.

Luke 8:33

Wen de ebil sperit dem come outta de man an gone eenta de hog dem, all de hog dem ron down de side ob de steep hill like sompin wile. Dey ron eenta de lake an git drown.

Luke 8:45

Jedus aks de people say, “Who dat done tetch me?” Ebrybody tell um say, “A ain tetch ya.” Den Peter an dem wa been long wid um say, “Massa, all de crowd yah roun ya da push ginst ya. Wa mek ya aks who dat tetch ya?”

John 1:40

One ob dem two people wa yeh wa John say an gone wid Jedus been name Andrew, de broda ob Simon Peter.

John 6:1

Atta wile, Jedus cross back oba Lake Galilee (wa some call Lake Tiberias).

Hebrew 13:7

Mus dohn fagit dem people wa been oona leada dem wa beena tell oona God wod. Study oona head bout wa beena happen cause ob de way dey beena lib. An trus God jes like dey beena trus um.