Luke 4:42 - De Nyew Testament

⁴² Wen day clean, Jedus lef de town an gone ta a place weh dey ain been no people, an de crowd saach fa um. Wen dey find um, dey try fa keep um dey wid um.

Luke 4:42 Iomraidhean Croise

Mark 1:45

Bot de man lef Jedus an e taak ta plenty people. E tell de nyews ebryweh. E taak sommuch dat Jedus ain able fa come eenta no town no mo, cause all de people dey beena crowd roun um. E stay outta town weh nobody lib. Stillyet, de people beena come fom all oba fa shim dey.

Luke 24:29

So de man dem beg um fa stay wid um. Dey tell um say, “Stay yah wid we, cause de day mos gone an de night da come soon.” So Jedus gone fa stay wid um.

Luke 6:12

Jurin dat time Jedus gone op a hill fa pray. E beena pray ta God all shru de night.

John 4:34

Jedus tell um say, “Wen A do wa de one wa sen me yah wahn me fa do, an finish op all de wok e gii me fa do, den dat me food.

John 4:40

So wen de people ob Samaria come ta Jedus, dey beg um fa stay wid um. An e stay dey two day.

John 6:24

Wen de people dem ain see Jedus needa e ciple dem dey, dey git eenta de boat dem an gone fa look fa Jedus een Capernaum.