Luke 23:2 - De Nyew Testament

² Den dey staat fa cuse Jedus, tell Pilate say, “We done find dis man da pit wod een we people yea fa mek um riot ginst de tority. E tell um say we ain spose fa pay tax ta Caesar. An e say e de Messiah. Dat mean e a king.”

Luke 23:2 Iomraidhean Croise

Matthew 17:27

Bot we ain wahn fa mek dem people bex wid we, so go ta de lake an cyas ya hook out eenta de wata. De fus fish wa ya ketch, open e mout an ya gwine find one silba coin dey. Tek dat coin an pay um fa we tax.”

Matthew 22:21

Dey say, “Dat Caesar face an name dey.” Jedus say, “Well den, oona mus gii Caesar dat wa blongst ta Caesar, an gii God wa blongst ta God.”

Matthew 27:11

Dey mek Jedus stanop fo Gobna Pilate. De gobna aks Jedus say, “Ya de king ob de Jew people?” Jedus ansa um say, “Wa ya say, dat so e stan.”

Mark 12:17

Jedus say, “Well den, oona mus gii Caesar dat wa blongst ta Caesar, an gii God wa blongst ta God.” Wen dey yeh wa Jedus say, dey um been stonish.

Mark 15:2

Pilate aks Jedus say, “Ya de king ob de Jew people?” Jedus ansa um say, “Dat so, jes like ya say.”

Luke 23:14

E tell um say, “Oona done bring dis man yah ta me, tell me dat e da stir op de people, pit wod een dey yea. Bot wen A quizzit um fo oona, A see dat e ain done none ob dem ting wa oona say e done.

Luke 23:5

Bot de people dem ob de Council keep on da cuse um mo an mo. Dey tell Pilate say, “Jedus beena stir op de people wid de ting wa e da laan um all oba Judea. E staat een Galilee, an now e done come all de way yah ta Jerusalem.”

John 18:29

So Pilate, de Roman gobna, gone fa meet um an aks um say, “Wa oona say dis man done do?”

John 18:30

Dey ansa Pilate say, “We ain been fa bring dis man ta ya ef e ain done bad.”

John 19:12

Wen Pilate yeh wa Jedus say, e try fa find a way fa leh Jedus go. Bot de Jew people holla say, “Ef ya leh dis man yah go, ya ain no fren ob de Roman rula Caesar. De one wa say e a king, e de enemy ob Caesar.”

De Postle Dem 24:13

An dey cyahn show dat wa dey da say ginst me, e true.

De Postle Dem 24:5

We find out dat dis man yah beena mek heapa trouble. E beena stir op ruckus mongst de Jew people all oba de wol. An e de leada fa de group dey call Nazarene.

Rome 13:7

Ya mus pay ebrybody wa ya owe um. Ef dey aks ya fa pay tax, ya mus pay um. An ya mus spec dem ya oughta spec, an gii hona ta dem ya oughta gii hona ta.