Luke 21:25 - De Nyew Testament

²⁵ “Scrange ting gwine happen ta de sun an de moon an de staa fa sho people wa da come. A whole heapa people een plenty place een dis wol ain gwine know wa fa do. Dey gwine be scaid fa true wen dey see de salt wata git rough an de swellin ob dat tide wata roll like tunda.

Luke 21:25 Iomraidhean Croise

Matthew 24:29

“Wen all dat bad trouble dey done, de sun gwine daak an de moon ain gwine shine no mo. De staa dem gwine faddown outta de sky, an de powa dem wa dey een de eliment gwine shake an moob outta dey place.

Matthew 27:45

E been bout tweb o'clock noon wen de sun stop fa shine. All dat lan been pitch daak fa shree hour.

Mark 13:24

“Atta people done suffa all dem ting, de sun gwine daak an de moon ain gwine shine no mo.

Mark 13:26

Den ebrybody gwine see de Man wa Come fom God da come down een de cloud dem. E gwine hab greata powa, an bright glory light gwine shine roun um.

Mark 15:33

E been high noon an all dat lan git daak, daak. E been daak fa shree hour.

Luke 21:24

Some dem gwine git kill wid de sode. Oda dem gwine git ketch an be prisona, an oda people gwine cyaa um way ta all de diffunt country dem. De people fom dem oda lan gwine tek chaage oba Jerusalem, trample um down all oba til de time come fa dem people wa ain Jew fa loss dey powa.

Luke 21:26

People gwine pass out. Dey gwine be scaid ta det, wiles dey da wait fa see wa gwine happen ta all de wol. De powa wa dey een de eliment gwine shake an moob outta dey place weh dey spose fa be.

De Postle Dem 2:19

A gwine do miracle dem op een de sky, an A gwine show um sign down een de wol. Oona gwine see blood an fire, an a heapa smoke.

Revelation 20:11

Den A see one big white shrone an de one wa seddown pon um. De sky an de wol jes gone way fom fo dat one pon de shrone, an ain nobody shim no mo.