Luke 2:47 - De Nyew Testament

⁴⁷ All de people wa yeh Jedus been stonish cause de chile hab sommuch sense an mek ansa ta de queshon.

Luke 2:47 Iomraidhean Croise

Matthew 13:54

E gone back ta e home town. E staat fa laan de people een dey meetin house. An de people dem wa yeh um dey been stonish. Dey say, “Weh dis man git dis sense an de powa fa do dem miracle yah?

Matthew 22:33

Dat dey wa Jedus beena laan de people mek um stonish.

Matthew 7:28

Atta Jedus done tell de people all dis, dey been stonish how Jedus da laan um.

Mark 1:22

De people beena stonish bout de way Jedus laan um, cause e beena laan um wid tority. E ain teach like how Jew Law teacha dem beena do.

Mark 11:18

Wen de Jew priest leada dem an de Jew Law teacha dem yeh wa Jedus beena say, dey staat fa look fa way fa kill um. Dey been scaid ob um, cause all de crowd ob people been stonish wen dey yeh wa Jedus teach.

Mark 6:2

Wen de Jew Woshup Day come, Jedus gone ta de Jew meetin house an staat fa laan de people bout God. Heapa dem wa yeh um beena stonish, say, “Weh dis man git dis sense? Who dat gim dis sense yah? E eben do miracle!

Luke 2:18

An all de people wa de shephud dem tell been stonish.

Luke 2:46

Atta shree day done gone, dey find Jedus een God House, da seddown mongst de Jew teacha dem. An e beena listen ta wa dem teacha say, an e beena aks um plenty ting too.

Luke 4:22

De people dem all taak good bout Jedus. Dey stonish cause e know how fa pit e wod jes so. An dey say, “Ain dis Joseph boy?”

Luke 4:32

An dey been stonish wen dey yeh um, cause e laan um wid tority fa true.

John 7:15

De Jew leada dem stonish, an dey aks say, “Hoccome dis man know sommuch wen e ain been ta school eben one day?”

John 7:46

De gyaad dem ansa say, “Nobody ain neba taak like dis man yah.”