Luke 2:10 - De Nyew Testament

¹⁰ Bot de angel tell um say, “Mus dohn feah! A hab good nyews wa gwine mek ebrybody rejaice.

Luke 2:10 Iomraidhean Croise

Matthew 14:27

Jedus speak op fast. E tell um say, “Study yasef! Dis me! Mus dohn be scaid!”

Matthew 28:18

Den Jedus come op ta um an say, “God done gii me all de tority an powa fa rule een heaben an een dis wol.

Matthew 28:5

De angel tell de ooman dem say, “Oona mus dohn be scaid! A know oona da look fa Jedus wa dey nail pon de cross.

Mark 1:15

Jedus say, “De time done come. Soon people gwine see God da rule oba de people an de wol! Oona mus change oona sinful way an dohn do um no mo. An oona mus bleebe de Good Nyews.”

Mark 16:15

Jedus tell um say, “Oona mus go all oba de wol an tell all de people de Good Nyews bout me.

Luke 1:13

De angel tell um say, “Mus dohn feah, Zechariah! De Lawd done yeh ya pray, an e ansa um. Ya wife Lizzybet gwine hab son. Mus name um John.

Luke 1:19

De angel ansa um, “A Gabriel. A da stanop fo God, da saab um. E sen me fa come tell ya dis good nyews.

Luke 1:30

De angel tell um say, “Mus dohn be scaid, Mary, cause God heppy wid ya.

Luke 2:11

Cause A come fa tell oona, ‘Right now, dis day, a Sabior done bon fa oona. E Christ de Lawd. An e bon een David town!’

Luke 24:47

God Book tell we too dat een Christ name, e ciple dem mus tell all people say, ‘Mus change oona way an do wa God wahn oona fa do. Den God gwine paadon oona.’ Oona mus tell um dat een Jerusalem an den all oba de wol.

Luke 8:1

Soon atta dat, Jedus an de tweb ciple dem gone fom one town an settlement ta noda, da tell all de people de Good Nyews bout how God rule oba people.

De Postle Dem 13:32

We come yah fa tell oona de Good Nyews, wa God done promise we ole people dat e gwine do,

Rome 10:15

An how people gwine tell um ef nobody ain sen um? Like dey write een God Book say, “How purty de foot dem ob de people wa da bring de Good Nyews.”

Ephesus 3:8

All God people mo betta den me. Stillyet, God bless me an pick me fa go tell de people wa ain Jew bout all de blessin dem dat Christ da gii e people. Dem blessin so good dat we ain eben able fa ondastan all bout um.

Colosse 1:23

Bot oona mus bleebe de Good Nyews fa sho. Mus dohn doubt God eben a leetle bit. Oona mus dohn leh nobody ton oona way fom de hope fa de ting dem wa de Good Nyews mek oona hope fa. Dis de Good Nyews dat oona yeh, an dat all people een de wol beena yeh. An, A, Paul, da wok fa tell people dat Good Nyews.