Luke 19:44 - De Nyew Testament

⁴⁴ Dey gwine stroy de city an all ob oona an eben all oona chullun. Dey gwine knock all de city stone dem ta de groun. Dey ain gwine lef eben one stone weh e stan. Dey gwine do all dat cause oona ain recognize de time wen God beena come fa sabe oona!”

Luke 19:44 Iomraidhean Croise

Matthew 24:2

Jedus aks um say, “Oona see all dis? A da tell oona fa true, none dese stone yah gwine be lef een dey place, one pontop de oda. Ebry stone yah gwine be chunk down outta e place.”

Mark 13:2

Jedus ansa say, “Oona see dem big buildin yah? Time da come wen dem all gwine faddown. Ain one stone gwine be lef pontop noda.”

Luke 1:68

“Leh we praise de Lawd, de God ob de Israel people! Cause e done come fa hep e people. E done set um free.

Luke 1:78

Cause we God feel wa we feel, an e mussyful an do we good. E gwine mek de light ob sabation fa shine pon we like de sun ob day clean broad.

Luke 19:42

E say, “A wish oona dey een Jerusalem been know taday wa ting oona need fa hab peace! Bot oona ain able fa shim now!

Luke 21:6

“Oona see all dis? De time gwine come wen none dese stone yah wa oona da see ain gwine be lef een dey place, one pontop de oda. Ebry stone yah gwine be chunk down outta e place.”

1 Peter 2:12

Mus lib een susha good way mongst de people wa ain know God, dat wen dey say ya da do bad, dey gwine see sho nuff dat ya da do good. An dat gwine mek um praise God pon de day dat e gwine come.