Luke 18:37 - De Nyew Testament

³⁷ Dey tell um, “Jedus fom Nazareth da pass long dis way.”

Luke 18:37 Iomraidhean Croise

Matthew 2:23

E gone fa lib een one town dey name Nazareth. So wa de prophet dem done say bout Jedus, e come true. Dey been say, “Dey gwine say e de man fom Nazareth.”

Luke 18:36

Wen de bline man yeh de crowd da pass, e aks de people say, “Wa gwine on?”

Luke 18:38

Wen de bline man yeh dat, e holla say, “Jedus, Son ob David, hab mussy pon me!”

Luke 2:51

Den Jedus gone back wid um ta Nazareth, an e pay um mind. E modda memba all dem ting een e haat, an e study bout um.

John 1:45

Philip gone an look fa Nathanael, tell um say, “We done find de man Moses been write bout een de Law Book. E de one de prophet deysef done write bout too. E Jedus wa come fom Nazareth, Joseph chile.”

John 19:19

Pilate write pon a paper an mek a sign wa say, “Jedus, wa come fom Nazareth, de King ob de Jew People.” An Pilate mek um pit dat sign dey pon Jedus cross.

De Postle Dem 2:22

“Oona people ob Israel listen good ta wa A da say. Jedus wa come fom Nazareth, e a man dat God sen ta we. Fa show oona dat God been sen um, God gii Jedus e powa fa do a heapa miracle an great wok wa mek people stonish. An e sho oona heapa sign wa mek oona know e powa. Oona know bout all dem ting, cause e been mongst oona weh e done um.

De Postle Dem 4:10

So den, all ob oona oughta know, an all de people een Israel oughta know. Oona done kill Jedus Christ fom Nazareth. Oona nail um ta de cross. Bot God mek um git op fom mongst de dead people an lib gin. An de powa ob Jedus name, dat wa mek dis man yah stan mongst ya, an e heal now.

2 Corinth 6:2

Cause God say, “A been listen ta ya jes wen de right time come, an wen de day fa sabe oona come, A hep oona.” A da tell oona say, now de right time. Taday de day fa people fa be sabe!