Luke 17:5 - De Nyew Testament

⁵ Jedus postle dem tell um say, “Lawd, hep we bleebe God mo den we bleebe now.”

Luke 17:5 Iomraidhean Croise

Mark 6:30

De postle dem come back, meet wid Jedus. Dey tell um all dey done an wa dey been laan people.

Mark 9:24

De boy fada right way holla say, “A da bleebe. Hep me bleebe mo an mo.”

Luke 7:13

Wen de Lawd see de ooman, e haat been hebby fa um, an e tell um say, “Mus dohn cry!”

Luke 7:19

John call two ob e ciple dem, sen um ta de Lawd Jedus fa aks um say, “Ya de one wa been gwine fa come, or we spose fa look fa somebody else?”

Philippi 4:13

Ain nottin dat A cyahn do wid de hep ob Christ wa mek me scrong.

2 Thessalonica 1:3

We Christian bredren, we mus tell God tankya all de time fa oona. Dat right fa we fa do, cause oona fait een Christ da grow mo an mo scronga, an ebry one ob oona da lob one noda mo an mo too.

Hebrew 12:2

Leh we look op ta Jedus all de time, cause e de one wa show we how fa trus God, an e gwine hep we fa keep on da trus til we git fa be all e wahn we fa be. E ain tek de shame ob e det pon de cross fa mean nottin, cause e see de joy wa da wait fa um pon de oda side. So now, e da seddown pon de right han side ob God shrone.