Luke 13:34 - De Nyew Testament

³⁴ “O Jerusalem, Jerusalem! Oona kill de prophet dem an chunk rock til oona kill dem wa God sen ta oona! Hommuch time A been wahn fa geda oona people togeda roun me, jes like a hen geda e biddy dem ondaneet e wing! Bot oona people ain wahn me fa do dat!

Luke 13:34 Iomraidhean Croise

Matthew 22:3

E sen e saabant dem fa go call de people wa e done eenbite fa come ta de marry feas, bot dey ain wahn fa come.

Matthew 22:6

De oda res grab hole ta de saabant dem wa de king sen. Dey beat um op an kill um.

Luke 15:28

De big broda been so mad til e ain wahn eben fa go eenside de house. So e fada gone out an beg um fa come een.

Luke 19:44

Dey gwine stroy de city an all ob oona an eben all oona chullun. Dey gwine knock all de city stone dem ta de groun. Dey ain gwine lef eben one stone weh e stan. Dey gwine do all dat cause oona ain recognize de time wen God beena come fa sabe oona!”

Luke 23:28

Jedus ton roun ta dem an say, “Oona daughta ob Jerusalem, mus dohn cry fa me! Mus cry fa oonasef an fa oona chullun.

De Postle Dem 7:52

Dey ain neba been no prophet dat oona ole people ain mek suffa, ainty? Dey eben kill dem prophet dat God sen fa tell bout how de One wa da Waak Scraight wid God been gwine come. Now, oona done han dat One wa da Waak Scraight wid God oba ta de enemy, an oona kill um.

De Postle Dem 7:59

Wiles dey beena stone um, Stephen beena pray say, “Lawd Jedus, tek me sperit!”

De Postle Dem 8:1

An Saul been dey, da gree dat dey oughta kill Stephen. Fom dat day wen dey kill Stephen, de Jew leada dem staat fa mek de bleeba dem ob de choch een Jerusalem suffa too bad. Cep fa de postle dem, all de bleeba dem ron way outta de city. Dey gone all oba de country roun bout een Judea an Samaria.

Revelation 11:8

Dey dead body gwine leddown een de screet een de big city weh de people been nail dey Lawd ta de cross. Dey call dat city Sodom or Egypt, wa mean fa say dat city jes like dem.