Luke 11:35 - De Nyew Testament

³⁵ Mus mek sho ya hab light steada daak een ya.

Luke 11:35 Iomraidhean Croise

Matthew 6:22

“Ya eye like a lamp fa ya body. Ef ya eye good, all ya body full op wid light.

Luke 11:34

Ya eye like a lamp fa ya body. Ef ya got good eye, all ya body full op wid light. Bot ef ya eye ain no good, all ya body gwine be een de daak.

Luke 11:36

Ef all ya body full op wid light an e ain hab no daak paat een um, dat light wa dey een ya gwine shine all oba, jes like a bright lamp wa da shine pon ya.”

Rome 1:22

Dey say dey got sense, bot dey come fa be fool.

2 Peter 1:9

Bot ef somebody ain got dem ting een e life, e same like a bline eye man wa ain see haadly nottin. An e done fagit dat God done tek way de sin dem dat e beena do an fagib um.

2 Peter 2:18

Dey da taak loud bout wa ain mean nottin. Dey lib loose life. An dey tek op de dorty ting dey wahn een dey haat an draw people wa jes staat fa scape fom oda people wa lib een de way wa ain right. Dem wickity people been lead um fa lib bad life gin.

Revelation 3:17

Oona da taak say, ‘A rich, an A got plenty ting. A got ebryting wa A need.’ Bot oona ain ondastan dat oona po an pitiful fa true, an people saary fa oona. Oona ain got nottin! Oona bline an nekid.