Luke 10:17 - De Nyew Testament

¹⁷ Den de sebenty man dem come back ta Jedus. Dey been full op wid joy, an dey tell um say, “Lawd, eben de ebil sperit dem pay we mind wen we nyuse ya name!”

Luke 10:17 Iomraidhean Croise

Matthew 4:24

De nyews bout Jedus spread all oba Syria country, an de people come ta um. Dey come da tote all de sick people dat hab all diffunt kind ob ailment. Some dem beena suffa plenty pain an some hab ebil sperit eenside um. Some hab fits an some ob dem ain able fa eben moob. Dey all come ta Jedus, an e heal dem op.

Mark 16:17

Dem people wa bleebe de Good Nyews, God gwine gim powa fa do dem miracle yah. Een me name dey gwine dribe ebil sperit outta people, dey gwine taak een nyew tongue.

Luke 10:1

Atta dis, de Lawd pick sebenty oda man. E sen um out two by two fa go eenta ebry town an settlement weh Jedus esef been bout fa go.

Luke 10:20

Stillyet, mus dohn be so glad cause de ebil sperit dem pay oona mind. Mus be glad cause oona name done been write down een heaben.”

Luke 10:9

Mus heal de sick een dat town, an mus tell de people dey, say, ‘Time fa God fa rule oba oona da come.’

Luke 9:1

Jedus call e tweb ciple dem, an e gim powa an tority fa dribe out all de ebil sperit dem an fa heal dem wa sick.

Rome 16:20

An purty soon, God wa da gii we peace, gwine stroy Satan powa an pit um onda ya foot. De blessin ob we Lawd Jedus Christ be pon oona.

Ephesus 5:24

Jes like de choch mus obey Christ, same way so de wife mus obey e husban een all ting.