Luke 1:15 - De Nyew Testament

¹⁵ Dat chile gwine be a great man een de Lawd eye. E mus dohn neba drink no wine or nottin wa mek a poson dronk. An e gwine be full op wid de Holy Sperit eben fo e bon.

Luke 1:15 Iomraidhean Croise

Luke 1:14

Ya gwine be glad fa true wen e bon, an a heapa oda people gwine be glad cause e bon!

Luke 7:28

A da tell oona say, John mo greata den all de people wa eba lib. Stillyet, de poson wa leas ob all dem people wa God da rule, dat poson mo greata den John!”

Luke 7:33

Wen John wa Bactize come, e fast fa woshup God an e ain drink no wine. Bot oona say, ‘A ebil sperit een John.’

John 5:35

John been same like a lamp wa beena bun an de light shine bright fa mek all people see. Oona done gree fa leh de light shine pon oona fa a leetle wile an mek oona haat glad.

De Postle Dem 2:4

De Holy Sperit come pon all dem people dey an full um op. E mek um all staat fa taak diffunt language dem dat dey ain neba laan. Ebry poson beena say wa de Holy Sperit wahn um fa say.

Galatia 1:15

Bot God bless me fa true. E pick me fom way back fo A been bon, an e call me fa saab um.

Ephesus 5:18

Mus dohn be dronka, full op wid wine til oona do bad ting wa gwine dribe oona ta ruint. Steada dat, oona mus lib full op wid de Holy Sperit eenside oona.