Jude 1:2 - De Nyew Testament

² A pray dat oona gwine see a heapa God mussy, an dat e full op oona haat wid peace. An A pray, too, dat e show oona mo an mo ob e lob.

Jude 1:2 Iomraidhean Croise

Rome 1:7

So A da write ta all ob oona een Rome, oona wa God lob an wa e call fa be e own people. A da pray dat God we Fada an de Lawd Jedus Christ bless oona an gii oona peace een oona haat.

Galatia 6:16

A da pray dat God gii peace an mussy ta all dem people wa lib dis way dat A done tell um, all dem wa God people.

1 Timothy 1:2

A da write ta ya, Timothy, me own son fa true een de fait. A da pray dat God we Fada an Jedus Christ we Lawd bless ya an gii ya e mussy an peace een ya haat.

1 Peter 1:2

We Fada God done pick oona, jes like e done beena plan. An God Sperit mek oona fa be God own holy people, so dat oona gwine do wa Jedus Christ tell oona fa do. An de blood ob Jedus, wa e gii wen e dead pon de cross, dat gwine mek oona clean een God eye. A da pray dat God bless oona mo an mo, an full op oona haat wid peace.

2 Peter 1:2

A pray dat God bless oona mo an mo an full op oona haat wid peace. God gwine bless oona as oona come fa know God an we Lawd Jedus mo an mo.