John 8:9 - De Nyew Testament

⁹ Wen dey yeh wa Jedus say, dey all lef dey, one by one. De ole one dem fus come outta dey, an den de nyoung one dem. So den jes Jedus been lef, an de ooman beena still stanop dey.

John 8:9 Iomraidhean Croise

Luke 13:17

Wen Jedus tell um dis, wa e say mek all dem wa been ginst um shame. An all de oda res de people rejaice cause ob all de great ting dem Jedus beena do.

John 8:10

Jedus stanop an aks de ooman say, “Weh ebrybody? Ain nobody yah fa condemn ya?”

John 8:12

Wen Jedus taak gin ta de people, e say, “A de Light ob de wol. De one wa da folla me gwine hab de light wa da gii life an e ain gwine neba waak een de daak.”

John 8:2

Day clean de nex day, Jedus gone back ta God House. All de people geda roun um an e seddown an e laan um.

John 8:3

De Jew Law teacha an Pharisee dem bring one ooman wa dey been ketch da sleep wid a man wa ain e husban. Dey mek de ooman stanop fo all de people.

John 8:8

Den Jedus stoop down gin an write pon de groun.

Rome 2:15

Wa dey do, dat da show dat wa de Law say dey oughta do, dat wa dey een dey haat. Same way so, wa dey da tink da show dat de Law dey een dey haat, cause sometime dey kin tink say dey done do bad, an sometime dey kin tink say dey done do good.

Rome 2:22

Ya da tell oda people say, “Mus dohn sleep wid noda poson wife or husban,” stillyet ya da do dat? Ya da taak say, ya hate dem idol wa people mek fa woshup. Stillyet ya da tief fom de place dem weh people woshup?

1 John 3:20

Ef we haat jedge we, say we ain do right, we know God great mo den we haat, an e know all ting.