John 2:2 - De Nyew Testament

² An dey been eenbite Jedus an e ciple dem too fa go.

John 2:2 Iomraidhean Croise

Matthew 12:19

E ain gwine aagy. E ain gwine holla. E ain gwine taak loud een de screet.

Matthew 25:40

De King gwine ansa say, ‘A da tell oona fa true, wensoneba oona done dem ting yah fa one ob me broda dem yah wa oda people say ain wot nottin, dat been fa me dat oona done dem ting.’

Matthew 25:45

De King gwine ansa say, ‘A da tell oona fa true, wensoneba oona ain hep one ob dem people yah wa oda people say ain wot nottin, dat been me dat oona ain hep.’

John 2:12

Atta dat, Jedus an e modda, e broda dem, an e ciple dem gone ta Capernaum. Dey stay dey two, shree day.

John 2:17

Den e ciple dem memba weh dey write een God Book say, “O God, A wahn people fa hona ya House. A wahn um sommuch til e bun een me haat jes like a fire wa gwine bun me op.”

John 2:22

So wen God mek Jedus git op fom mongst de dead people an lib gin, e ciple dem memba wa Jedus been taak bout. Den dey bleebe wa been write dey een God Book an de wod Jedus done been taak bout.

John 2:3

Wen all de wine done, Jedus modda tell Jedus say, “Dey ain got no mo wine.”

John 3:22

Atta dat, Jedus an e ciple dem gone ta Judea lan. E stay some time wid um dey an e beena bactize people.

John 4:2

(Bot fa true, Jedus ain beena bactize people. E ciple dem beena bactize um.)

John 4:33

So de ciple dem aks one noda say, “Ya tink somebody done fetch um some food?”

John 4:8

(E ciple dem done been gone ta town fa buy ting fa nyam.)

John 6:12

Wen dey all been full op wid food, Jedus tell e ciple dem say, “Mus geda op all de leetle piece dem wa lef oba. Mus dohn waste nottin.”

John 6:16

Een de ebenin time de ciple dem gone ta de lake.

John 6:60

Plenty people wa beena folla Jedus, wen dey yeh dem wod, dey say, “Dem ting wa e da laan we, dey too haad fa tek. Who kin gree fa do wa e da say?”

John 6:66

Fom dat time dey, plenty people wa beena folla Jedus, dey ton back an ain folla um no mo.

John 6:67

Jedus aks de tweb ciple dem say, “Oona wahn fa lef me too?”

John 6:70

Den Jedus say, “A done pick oona all tweb, ainty? Stillyet, one ob oona a debil!”

John 6:71

Jedus beena taak bout Judas, de son ob Simon Iscariot. Eben dough Judas been one ob de tweb ciple dem, e been gwine sell Jedus.

John 6:8

Den noda one ob Jedus ciple dem, Andrew, de broda ob Simon Peter, say,

John 7:3

So e broda dem tell um say, “Mus go way fom yah an go ta Judea, so dat de people wa da folla ya kin see dem miracle wa ya da do.

De Postle Dem 11:26

Wen e find um, e bring um ta Antioch. Barnabas an Saul stay ta Antioch fa a whole yeah. Dey beena meet wid de choch people an laan a heap ob um dey. Antioch been de fus place weh de people staat fa call dem wa bleebe pon Jedus “Christian.”

De Postle Dem 11:29

So dem wa bleebe een Antioch gree fa hep dey Christian bredren wa hab need, dem wa lib een Judea. Dey gree dat ebry Christian een Antioch gwine gii wa e able fa gii.

1 Corinth 10:31

Ebryting oona do, ef ya da nyam or ya da drink or ya da do oda ting, ya oughta do ebryting een susha way dat God git de praise fa um.

1 Corinth 7:39

A marry ooman ain free fom e husban long as e still da lib. Bot ef e husban done dead, de ooman free fa git marry ta wasoneba man e wahn, long as dat man blongst ta de Lawd.

Colosse 3:17

Ebryting ya da do an say, ya oughta do an say all ob um een de name ob de Lawd Jedus, da tell we Fada God tankya shru Christ.

Hebrew 13:4

Leh all people spec de marry life. De husban mus dohn sleep wid noda ooman, an de wife mus dohn sleep wid noda man. God gwine jedge dem wa lib loose life. E gwine jedge ebrybody wa da sleep wid a poson wa ain e own wife or husban.

Revelation 3:20

Listen op! A da stanop yah by de door, da knock pon um. Wasoneba one ob oona yeh me boice an open de door ta me, A gwine come eenside e house. An me an e gwine seddown an nyam togeda.