John 11:2 - De Nyew Testament

² Dis Mary yah dat same ooman wa been pour pafume pon de Lawd foot an den wipe um wid e hair. E broda, Lazarus, de one wa sick.

John 11:2 Iomraidhean Croise

Mark 14:3

Jedus been een Bethany een Simon house. Simon de man wa been hab leposy. Wiles Jedus beena nyam, one ooman come een wid sweet ointment oll eenside a jar wa dey mek fom alabasta stone. Dat been a spensiz ointment wa dey mek fom de nard plant. De ooman broke de jar mout an pour de dat ointment pon Jedus head.

Luke 7:13

Wen de Lawd see de ooman, e haat been hebby fa um, an e tell um say, “Mus dohn cry!”

Luke 7:19

John call two ob e ciple dem, sen um ta de Lawd Jedus fa aks um say, “Ya de one wa been gwine fa come, or we spose fa look fa somebody else?”

John 11:21

Martha tell Jedus say, “Lawd, ef ya been yah, me broda ain been fa dead!

John 11:3

So de two sista dem sen wod ta Jedus say, “Lawd, ya fren wa ya lob, e sick.”

John 11:32

Wen Mary git ta de place weh Jedus been an e shim, e git down pon de groun down by e foot an say, “Lawd, ef ya been yah, me broda ain been fa dead!”

John 12:3

Wiles dey beena nyam, Mary git a whole pint ob pafume. Dey mek dat pafume fom jes de nard plant, an e cost a whole heapa money. Mary pour dat pafume pon Jedus foot. Den e wipe um op wid e hair. All de people een de house beena smell de sweet scent ob dat pafume.

John 13:13

Oona da call me Teacha an Lawd, an oona right wen oona say dat, cause dat wa A da.

John 13:14

Now den, A, oona Lawd an Teacha, done wash oona foot. Same fashion, oona oughta wash one noda foot.