John 1:12 - De Nyew Testament

¹² Stillyet, some bleebe pon um. Ta all dem, e gim de right fa be chullun ob God.

John 1:12 Iomraidhean Croise

Matthew 10:40

“Whosoneba gii oona haaty welcome, dat poson da gii me haaty welcome. An whosoneba gii me haaty welcome, e da gii de one wa sen me haaty welcome.

Matthew 12:21

An all people gwine pit dey hope een um.”

Matthew 18:5

An de poson wa heppy fa tek een a leetle chile like dis one yah een me name, dat poson da tek me een too.

John 1:11

E come ta e own place, bot e own people ain wahn hab nottin fa do wid um.

John 1:7

E come fa tell people bout de light, so dat ebrybody kin bleebe wen dey yeh wa e say.

John 11:52

An Jedus ain dead jes fa de Jew people. E dead fa all God chullun, dem people wa scatta all bout, an fa bring um togeda fa be one fambly.

John 2:23

De time come fa de Passoba Feas wiles Jedus been dey een Jerusalem. An plenty people bleebe pon um, wen dey see de miracle dem wa e beena do.

John 20:31

Bot de ting dem wa write down een dis book, dey write down so dat oona kin bleebe dat Jedus de Messiah Christ, God Son. An ef oona bleebe pon Christ, oona gwine hab true life.

John 3:18

“Ef a poson bleebe pon God Son, God ain gwine condemn dat poson dey. Bot ef a poson ain bleebe pon God Son, God done condemn um, cause e ain bleebe pon de name ob de onliest Son ob God.

De Postle Dem 3:16

Jedus powa mek dis man well an scrong. Wa oona done see yah an wa oona know, dat cause we trus een Jedus name. Jedus powa done heal dis man, an all ob oona shim.

Rome 8:14

Den all de people wa da leh God Sperit lead um, dey God chullun.

Rome 8:16

God Sperit da jine wid we own sperit, fa say we God chullun.

Rome 8:19

All de ting dem wa God done mek da wait, da look fowaad fa de time wen God gwine show whodat e chullun da.

Galatia 3:26

Cause oona trus een Jedus Christ, God done mek all ob oona e chullun.

Galatia 4:6

An cause oona come fa be God chullun, God sen de Sperit ob e Son eenta we haat. An dat de Sperit dat call out ta God say, “Fada, me Fada!”

Colosse 2:6

So den, jes like ya done mek Jedus Christ ya Lawd, mus lib all de time een um an waak e way wid um.

2 Peter 1:4

Dat how God beena gii we e blessin wa money cyahn buy, dem blessin wa e beena promise. Dat wa e do, so dat dem blessin gwine leh oona keep way fom dem bad ting een de wol, wa come cause people een de wol wahn fa do ebil. An cause ob dem blessin, oona kin come fa be mo an mo like God.

1 John 3:1

Look yah! We oughta study pon how de Fada da bless we wid e lob! E da lob we sommuch dat e call we e own chullun, an we e chullun fa true. People ob de wol ain been know who God da, an cause ob dat, dey ain know we.

1 John 3:10

God chullun an de Debil chullun, dey diffunt fom one noda. De one wa da sin ain da do wa right, e ain God own chile. An de one wa ain lob e broda ain God chile needa. Dat de way we know de one wa God own chile, an de one wa blongst ta de Debil.

1 John 3:2

Me deah fren, we God chullun now. We ain know yet wa we gwine be bye an bye. Bot we know, wen Christ come back, we gwine be like um. Cause wen e come, we gwine shim jes like e da.

1 John 3:23

Dis wa God chaage we fa do: We fa bleebe pon de name ob e Son Jedus Christ. An we oughta lob one noda, same like Christ chaage we fa do.