James 5:6 - De Nyew Testament

⁶ Oona done condemn an kill people wa ain done nottin wrong, an ain fight ginst oona.

James 5:6 Iomraidhean Croise

Matthew 21:38

Bot wen de faama dem see de owna son, dey tell one noda say, ‘Dat de son wa dis propaty yah gwine be lef ta. Leh we kill um, so dat de propaty gwine come ta we.’

Matthew 27:20

Bot de leada dem ob de priest dem an de oda Jew leada dem coax de crowd til de people ready fa tell Pilate dey wahn um fa free Barabbas an kill Jedus.

Matthew 5:39

Bot A da tell oona say, Ya mus dohn git back at de poson wa da do ya bad. Ef somebody knock de right side ob ya face, ya mus ton an leh um knock de lef side too.

De Postle Dem 22:14

“E say, ‘De God dat we ole people beena woshup, e done pick ya fa mek ya know wa e wahn ya fa do, an fa show ya de One wa da waak scraight wid God, an fa mek ya yeh e own boice da taak ta ya.

De Postle Dem 7:52

Dey ain neba been no prophet dat oona ole people ain mek suffa, ainty? Dey eben kill dem prophet dat God sen fa tell bout how de One wa da Waak Scraight wid God been gwine come. Now, oona done han dat One wa da Waak Scraight wid God oba ta de enemy, an oona kill um.

De Postle Dem 8:32

De Ethiopia man beena read fom God wod weh de prophet done write dis yah: “E been a sheep dat dey lead fa go kill um, e been like a lamb dat ain cry out wen dey da cut e wool. E ain crack e teet.

Hebrew 10:38

Bot de one wa da waak scraight, de one wa blongst ta me e gwine lib cause e da trus me. Bot ef e ton back an stop fa trus me, A ain gwine be heppy wid um, none tall.”

James 2:6

Bot oona treat de po people like dey ain wot nottin! De people wa got plenty ting, dey da mek oona do wa dey say, ainty? Dey da mek oona go fo de jedge, ainty?

James 4:2

Oona wahn sompin, bot oona ain got um, so oona kill noda poson, an oona git de big eye. Bot oona cyahn git wa oona wahn. Oona aagy an fight one noda. Oona ain got wa oona wahn, cause oona ain aks God fa gim ta oona.

1 Peter 4:18

Dey write een God Book say, “Dem people wa do wa God wahn, dey git sabe, bot dey hab a haad time. So dey gwine be haad time fa sho, fa people wa ain hab nottin fa do wid God an fa de sinna dem, ainty?”