ગણના 25:14 - પવિત્ર બાઇબલ OV Reference Bible (BSI)

¹⁴ અને જે ઇઝરાયલી માણસ મરાયો, એટલે મિદ્યાની સ્‍ત્રીની સાથે જે માર્યો ગયો તેનું નામ ઝિમ્રી હતું, તે શિમયોનીઓ મધ્યે પિતાના ઘરના અધિપતિ સાલુનો દિકરો હતો.

પવિત્ર બાઇબલ C.L.

¹⁴ મિદ્યાની યુવતીની સાથે માર્યા ગયેલા ઇઝરાયલીનું નામ ઝિમ્રી હતું. તે શિમયોનના કુળમાં, કુટુંબના વડા સાલૂનો પુત્ર હતો.

ઇન્ડિયન રીવાઇઝ્ડ વર્ઝન ગુજરાતી - 2019

¹⁴ જે ઇઝરાયલી માણસને મિદ્યાની સ્ત્રીની સાથે મારી નાખવામાં આવ્યો હતો તેનું નામ ઝિમ્રી હતું, તે શિમયોનીઓ મધ્યે પિતૃઓના કુટુંબનો આગેવાન સાલૂનો દીકરો હતો.

પવિત્ર બાઈબલ

¹⁴ પછી મિદ્યાની સ્ત્રીની સાથે માંરી નાખવામાં આવેલા ઇસ્રાએલી પુરુષનું નામ ઝિમ્રી હતું, તે શિમયોન કુળસમૂહના પરિવારના આગેવાન સાલૂનો પુત્ર હતો.

ગણના 25:14 Iomraidhean Croise

ઉત્પત્તિ 37:28

અને મિદ્યાની વેપારીઓ તેઓની પાસે થઈને જતા હતા; અને તેઓએ યૂસફને ખાડામાંથી ખેંચી કાઢયો, ને તેઓએ રૂપાના વીસ ફટકામાં યૂસફને ઇશ્માએલીઓને વેચી દીધો. અને તેઓ યૂસફને મિસરમાં લઈ ગયા.

૧ રાજા 11:18

અને તેઓ મિદ્યાનમાંથી નીકળીને પારાન ગયા, અને પારાનમાંથી પોતાની સાથે માણસો લઈને તેઓ મિસરના રાજા ફારુન પાસે મિસરમાં આવ્યાં. તેણે એને ઘર આપ્યું, તેને માટે ખોરાકી ઠરાવી આપી ને એને જમીન આપી

૧ કાળવૃત્તાંત 27:16

તે ઉપરાંત ઇઝરાયલનાં કુળો પર નીચે પ્રમાણે અમલદાર હતા : રુબેનીઓનો અમલદાર ઝિખ્રીનો પુત્ર એલીએઝેર હતો; શિમયોનીઓનો, માકાનો પુત્ર શફાટ્યા.

૨ કાળવૃત્તાંત 19:7

માટે યહોવાનો ડર રાખીને, સંભાળીને કામ કરજો; કેમ કે આપણા ઈશ્વર યહોવાને આન્યાય કે આંખની શરમ કે લાંચ લેવી પસંદ નથી.”

ગણના 1:23

તેઓની ગણતરી, શિમયોનના કુળમાં, ઓગણસાઠ હજાર ને ત્રણસોની થઈ.

ગણના 25:13

અને તે તેના લાભમાં તથા તેના પછી તેના વંશજોના લાભમાં સદાના યાજકપદનો કરાર થશે. કારણ કે તેણે પોતાના ઈશ્વરને માટે આવેશી થઈને ઇઝરાયલી લોકોને માટે પ્રાયશ્ચિત્ત કર્યું.”

ગણના 25:15

અને જે મિદ્યાની સ્‍ત્રીને મારી નાંખવામાં આવી તેનું નામ કીઝબી હતું, તે સૂરની દીકરી હતી. એ [સૂર] મિદ્યાનમાં પિતાના ઘરના લોકોનો મુખ્ય હતો.

ગણના 26:14

શિમયોનીઓનાં કુટુંબ એ છે. તેઓ બાવીસ હજાર ને બસો હતા.

સંદર્શન 7:7

શિમયોનના કુળમાંના બાર હજાર; લેવીના કુળમાંના બાર હજાર;