ન્યાયાધીશો 20:42 - પવિત્ર બાઇબલ OV Reference Bible (BSI)

⁴² આથી તેઓ ઇઝરાયલીઓ આગળથી પીઠ ફેરવીને અરણ્યને માર્ગે નાઠા, પણ યુદ્ધ તો તેઓની પાછળ લાગુ રહ્યું. અને નગરોમાંથી નીકળેલા માણસોએ તેની મધ્યે તેઓનો સંહાર કર્યો.

પવિત્ર બાઇબલ C.L.

⁴² તેમણે ઇઝરાયલીઓ આગળ પીછેહઠ કરી અને ખુલ્લા પ્રદેશ તરફ નાઠા, પણ તેઓ છટકી શક્યા નહિ. તેઓ સૈન્યના મુખ્ય દળના તથા નગરમાંથી બહાર ધસી આવતા માણસોના સકંજામાં આવી પડયા, અને તેમનો સંહાર થયો.

ઇન્ડિયન રીવાઇઝ્ડ વર્ઝન ગુજરાતી - 2019

⁴² તેથી તેઓ ઇઝરાયલ સૈનિકો સામેથી અરણ્યને માર્ગે ભાગી ગયા. પણ લડાઈ ચાલુ હતી. ઇઝરાયલના સૈનિકો નગરોમાંથી બહાર આવ્યા અને તેઓએ તેઓને મારી નાખ્યા.

પવિત્ર બાઈબલ

⁴² તેઓ રણ તરફ ભાગ્યા પણ ઈસ્રાએલીઓ તેઓની પાછળ પડયા; અને જે સૈનિકો છુપાઈ રહ્યાં હતાં તેઓ બહાર આવ્યા અને બિન્યામીન કુળસૂમહને માંરવા લાગ્યા, જે બંને સૈન્યની વચ્ચે હતું.

ન્યાયાધીશો 20:42 Iomraidhean Croise

યર્મિયાનો વિલાપ 1:3

દુ:ખને લીધે તથા સખત દાસત્વને લીધે યહૂદા બંદીવાસમાં ગયો છે; તે પરદેશીઓમાં વસે છે, તેને ચેન પડતું નથી; તેની પાછળ પડનારા સર્વએ તેને સંકડામણમાં લાવીને પકડી પાડ્યો છે.

હોશિયા 10:9

હે ઇઝરાયલ, ગિબયામાં ભૂંડા લોકોની સામે તેઓને યુદ્ધ કરવું ન પડે એ મતલબથી તેઓ ત્યાં ટકી રહ્યા છે.

હોશિયા 9:9

ગિબયાના દિવસોમાં થયા હતા તેમ તેઓ અતિ ભ્રષ્ટ થઈ ગયા છે. તેઓના દુરાચરણનું સ્મરણ કરીને તે તેઓનાં પાપની શિક્ષા કરશે.

યહોશુઆ 8:15

અને યહોશુઆ તથા સર્વ ઇઝરાયલ તેઓની આગળ પરાજિત થવાનું ડોળ બતાવીને રાનને માર્ગે નાઠા.

યહોશુઆ 8:24

અને રણક્ષેત્રમાં, એટલે જે અરણ્યમાં તેઓ તેઓની પાછળ પડ્યા હતા, તેમાં આયના સર્વ રહેવાસીઓનો સંહાર કરવાનું કામ ઇઝરાયલે પૂરું કર્યું, અને તે ખલાસ થઈ જતાં સુધી તે સર્વનો તરવારથી નાશ કરવામાં આવ્યો. ત્યારે એમ થયું કે સર્વ ઇઝરાયલે આયમાં પાછા આવીને તેને તરવારથી માર્યું.