ન્યાયાધીશો 14:16 - પવિત્ર બાઇબલ OV Reference Bible (BSI)

¹⁶ ત્યારે સામસૂનની સ્‍ત્રીએ તેની આગળ રડી પડીને કહ્યું, “તું મને તદ્દન ધિક્કારે છે, ને મારા પર કંઈ પ્રેમ રાખતો નથી. તેં મારા લોકોને એક ઉખાણું કહ્યું છે, પણ મને [તેનો અર્થ] કહ્યો નથી.” તેણે તેને કહ્યું, “જો, મેં મારાં માતા પિતાને તેનો અર્થ કહ્યો નથી, તો હું શું તને કહું?”

પવિત્ર બાઇબલ C.L.

¹⁶ તેથી શિમશોનની પત્નીએ તેની આગળ રડતાં રડતાં કહ્યું, “તને મારા પર પ્રેમ નથી; બલ્કે તું મને ધિક્કારે છે. તેં મારા દેશબધુંઓને ઉખાણું કહ્યું છે, પણ મને તેનો અર્થ જણાવ્યો નથી.” તેણે કહ્યું, “જો, મેં મારાં માતપિતાને ય તેનો અર્થ કહ્યો નથી; તો પછી તને શા માટે કહું?”

ઇન્ડિયન રીવાઇઝ્ડ વર્ઝન ગુજરાતી - 2019

¹⁶ સામસૂનની પત્ની તેની આગળ રડવા લાગી, “તું જે સર્વ કરે છે તે દ્વારા મને ધિક્કારતો હોય એવું લાગે છે! તું મને પ્રેમ કરતો નથી. તેં મારા કેટલાક લોકોને ઉખાણું કહ્યું, પણ તેં મને તેનો જવાબ કહ્યો નથી.” સામસૂને તેને કહ્યું, “અહીંયાં જો, મેં મારા માતાપિતાને કહ્યું નથી, તો શું હું તને કહું?”

પવિત્ર બાઈબલ

¹⁶ એટલે સામસૂનની પત્ની તેને ગળે વળગીને રડવા લાગી અને બોલી, “તમને માંરા પ્રત્યે જરાયે પ્રેમ નથી, તમે મને ધિક્કારો છો, કારણ કે તમે માંરા લોકોને ઉખાણું પૂછયું છે અને મને તેનો જવાબ કહ્યો નથી!” તેણે જવાબ આપ્યો, “મેં માંરા માંતાપિતાને પણ જવાબ નથી કહ્યો, પછી તને શા માંટે કહું?”

ન્યાયાધીશો 14:16 Iomraidhean Croise

ઉત્પત્તિ 2:24

એ માટે માણસ પોતાનાં માતપિતાને છોડીને, પોતાની પત્નીને વળગી રહેશે; અને તેઓ એક દેહ થશે.

ન્યાયાધીશો 14:17

અને ઉજાણીના સાતે દિવસ તેણે તેની આગળ રડ્યા કર્યું. અને સાતમે દિવસે એમ થયું કે, તેણે બહુ આગ્રહ કર્યો ત્યારે તેણે તેનો અર્થ કહી દીધો. પછી તેણે પોતાના લોકોના પુત્રોને ઉખાણાનો અર્થ કહી દીધો.

ન્યાયાધીશો 16:15

ત્યારે તેણે તેને કહ્યું, “તારું દિલ મારા પર નથી, છતાં તું એમ કેમ કહી શકે કે હું તારા પર હેત રાખું છું? આ ત્રણ વાર તેં મારી મશ્કરી કરી છે, ને તારું મહાબળ શામાં રહેલું છે તે મને કહ્યું નથી.”

ન્યાયાધીશો 16:16

અને એમ થયું કે, તેણે પોતાનાં વચનો વડે તેને એમ થયું કે, તેણે પોતાનાં વચનો વડે તેને દરરોજ આગ્રહ કરીને હઠેઠ કરી, જેથી તેનો જીવ મરણતુલ્ય અકળાયો.