હઝકિયેલ 10:22 - પવિત્ર બાઇબલ OV Reference Bible (BSI)

²² તેઓના મુખોનો ઘાટ તો દેખાવમાં ને સ્વરૂપમાં કબાર નદીની પાસે જે મુખો મેં જોયાં હતાં તેના જેવો હતો. તે દરેકને સીધું આગળ ચાલતું હતું.

પવિત્ર બાઇબલ C.L.

²² તેમના મુખોનો ઘાટ તો દેખાવમાં નદી પાસે મેં જે મુખો જોયાં હતાં તેના જેવો જ હતો. પ્રત્યેક પ્રાણી સીધેસીધું આગળ ચાલતું હતું.

ઇન્ડિયન રીવાઇઝ્ડ વર્ઝન ગુજરાતી - 2019

²² તેમનાં મુખોનો દેખાવ કબાર નદીને કિનારે મેં દર્શનમાં જોયેલાં મુખો જેવો હતો, તેઓમાંનો દરેક સીધો આગળ ચાલતો હતો.

પવિત્ર બાઈબલ

²² તેમનાં મોઢાં કબાર નદીને કાંઠે મેં દર્શનમાં જોયેલાં મોઢાં જેવાં જ હતાં. દરેક કરૂબ સીધો આગળ વધતો હતો.

હઝકિયેલ 10:22 Iomraidhean Croise

હઝકિયેલ 1:1

ત્રીસમાં વર્ષમાં‍ ચોથા માસની પાંચમીએ હું બંદીવાનોની સાથે કબાર નદીની પાસે હતો તે વખતે આકાશ ઊઘડી ગયું, ને મને ઈશ્વરના દર્શન થયાં.

હઝકિયેલ 1:10

તેઓનાં મુખની સિકલ આ પ્રમાણે હતી:દરેક [નાં ચાર મુખમાં] નું એક મુખ માણસનું હતું; અને ચારેને જમણી બાજુએ સિંહનું મુખ હતું; અને એ ચારેને ડાબી બાજુએ બળદનું મુખ હતું; એ ચારેને વળી ગરૂડનું મુખ પણ હતું.

હઝકિયેલ 1:12

દરેક [પ્રાણી] સીધું આગળ ચાલતું. જ્યાં આત્માને જવું હોય ત્યાં તેઓ જતાં. ચાલતા તેઓ આડાંઅવળાં વળતાં નહિ.

હઝકિયેલ 1:9

તેમની પાંખો એકબીજીની સાથે જોડાયેલી હતી. તેનો ચાલતાં ચાલતાં આડાંઅવળાં વળતાં નહિ; તેઓ દરેક સીધાં આગળ ચાલ્યાં જતાં.

હઝકિયેલ 10:11

તેઓ ચાલતાં ત્યારે તેઓની ચારે બાજુઓ ફરતી. ચાલતાં ચાલતાં તેઓ આડાંઅવળાં વળતાં નહિ, પણ જે જગા તરફ તેનું માથું હોય તે તરફ તેઓ તેની પાછળ પાછળ જતાં ચાલતાં ચાલતાં તેઓ આડાંઅવળાં વળતાં નહિ.

હઝકિયેલ 10:21

દરેકને ચચ્ચાર મુખ, ને દરેકને ચાર પાંખો હતી. અને તેમની પાંખો નીચે મનુષ્યના જેવા હાથ હતા.

હઝકિયેલ 11:1

વળી આત્મા મને ઊંચકીને યહોવાના મંદિરના પૂર્વ તરફના દરવાજા આગળ લાવ્યો. અને જુઓ, તે દરવાજાના બારણા આગળ પચીસ માણસો હતા. મેં તેઓમાં લોકોના સરદાર આઝઝુરના દીકરા યાઝનિયા તથા બનાયાના દીકરા પલાટ્યાને જોયા.

હઝકિયેલ 43:3

જે સંદર્શન મને થયું હતું, એટલે હું નગરનો નાશ કરવાને આવ્યો હતો ત્યારે જે સંદર્શન મને થયું હતું, તેના તેજ જેવું તે હતું. કબાર નદીને તીરે જે સંદર્શન મને થયું હતું તેના જેવા તે સંદર્શનો હતાં; અને હું ઊંધો પડ્યો.

હોશિયા 14:9

કોણ જ્ઞાની હશે કે, તે આ વાતો સમજે? કોણ અક્કલવાન હશે કે, તેને એ બાબતનું જ્ઞાન થાય? કેમ કે યહોવાના માર્ગો ન્યાયી છે, ને નેક માણસો તે માર્ગે ચાલશે; પણ પાપી માણસો તેમાં ઠોકર ખાશે.