૨ રાજા 15:25 - પવિત્ર બાઇબલ OV Reference Bible (BSI)

²⁵ તેના સરદાર રમાલ્યાના દીકરા પેકાહે તેની સામે વિદ્રોહ કર્યો, ને તેને સમરુનમાં રાજમહેલના કિલ્લામાં આર્ગોબ તથા આર્યેહ સુદ્ધાં મારી નાખ્યો. તેની સાથે ગિલ્યાદીઓમાંના પચાસ માણસ હતા. અને પેકાહે તેને મારી નાખીને તેની જગાએ રાજ કર્યું.

પવિત્ર બાઇબલ C.L.

²⁵ પક્હ્યાના લશ્કરી અધિકારી એટલે રમાલ્યાના પુત્ર પેક્હે તેની સામે વિદ્રોહ કર્યો. તેણે ગિલ્યાદમાં પચાસ માણસોને પોતાની સાથે રાખીને સમરૂનના રાજમહેલમાં આર્ગોબ અને આર્યેહ સહિત પક્હ્યાને મારી નાખ્યો, અને તેના પછી રાજા બન્યો.

ઇન્ડિયન રીવાઇઝ્ડ વર્ઝન ગુજરાતી - 2019

²⁵ તેના સરદાર રમાલ્યાના દીકરા પેકાહે પકાહ્યા સામે ષડયંત્ર કર્યું; તેને સમરુનના રાજમહેલના કિલ્લામાં આર્ગોબ અને આર્યેહ સાથે મારી નાખ્યો. તેની સાથે ગિલ્યાદીઓમાંના પચાસ માણસો હતા. પેકાહે તેને મારી નાખીને તેની જગ્યાએ રાજા બન્યો.

પવિત્ર બાઈબલ

²⁵ રમાલ્યાનો પુત્ર પેકાહ તેનો સેનાપતિ હતો, તેણે તેની સામે બળવો કર્યો અને કાવતરું કર્યું; જેમાં તેણે સમરૂનનાં રાજમહેલના કિલ્લામાં 50 માણસોને મારી નાંખ્યા. તેણે અને ગિલયાદના 50 માણસોએ પકાહ્યાને, આગોર્બ અને આયેર્હને પણ ત્યાં મારી નાખ્યા. પછી પોતે ગાદી પર બેઠો.

૨ રાજા 15:25 Iomraidhean Croise

૧ રાજા 16:18

અને ઝિમ્રીએ જોયું કે નગર સર કરવામાં આવ્યું છે, ત્યારે એમ થયું કે રાજાના મહેલના કિલ્લામાં તે ભરાઈ ગયો, ને મહેલને આગથી સળગાવી મૂકીને પોતે અંદર બળી મૂઓ.

૧ રાજા 16:9

તેનો ચાકર ઝિમ્રી, જે તેના રથોના અર્ધા ભાગ પર નાયક હતો, તેણે એલાની વિરુદ્ધ બંડ કર્યું. હવે તે તિર્સામાં હતો, ને તિર્સામાંના તેના ઘરનો કારભારી આર્સા નામે એક જણ હતો; તેના ઘરમાં પીને રાજા ચકચૂર થયો હતો.

૨ રાજા 15:10

યાબેશના દીકરા શાલ્લૂમે તેની વિરુદ્ધ બંડ કર્યું, ને લોકોની આગળ તેને મારીને મારી નાખ્યો, ને તેની જગાએ પોતે રાજ કર્યું.

૨ રાજા 15:24

તેણે યહોવાની ર્દષ્ટિમાં જે ભૂંડું હતું તે કર્યું. નબાટના દીકરા યરોબામનાં પાપો જે વડે તેણે ઇઝરાયલ પાસે પાપ કરાવ્યું હતું, તેથી તે દૂર રહ્યો નહિ.

૨ રાજા 15:26

હવે પકાહ્યાનાં બાકીનાં કૃત્યો, તથા તેણે જે કર્યું તે સર્વ, જુઓ, ઇઝરાયલના રાજાઓનાં કાળવૃત્તાંતના પુસ્તકમાં લખેલાં છે.

૨ રાજા 15:27

યહૂદિયાના રાજા અઝાર્યાને બાવનમે વર્ષે રમાલ્યાનો દીકરો પેકાહ સમરુનમાં ઇઝરાયલ પર રાજ કરવા લાગ્યો. તેણે વીસ વર્ષ [રાજ કર્યું].

૨ રાજા 9:14

આ પ્રમાણે નિમ્શીના દીકરા યહોશાફાટના દીકરા યેહૂએ યોરામની સામે બંડ કર્યું. (હવે યોરામ તથા સર્વ ઇઝરાયલ, અરામના રાજા હઝાએલના કારણથી, રામોથ-ગિલ્યાદને બચાવી રાખતા હતા.

૨ રાજા 9:5

તે આવ્યો ત્યારે જુઓ, સૈન્યના સરદારો બેઠેલા હતા. તે જુવાને કહ્યું, “હે સરદાર, હું તમારે માટે સંદેશો લાવ્યો છું.” યેહૂએ કહ્યું, “અમ સર્વમાંથી કોને માટે?” તેણે કહ્યું, “હે સરદાર, તમારે માટે.”

૨ કાળવૃત્તાંત 28:6

રમાલ્યાના પુત્ર પેકાહે યહૂદિયામાં એક જ દિવેસે એક લાખ વીસ હજાર પુરુષો કે, જેઓ બધા શૂરવીર પુરુષો હતા, તેઓને મારી નાખ્યાં; કેમ કે તેઓએ પોતાના પોતૃઓના ઈશ્વર યહોવાને તજી દીધા હતા.

યશાયા 7:1

યહૂદિયાના રાજા ઉઝિયાના દિકરા યોથામના દીકરા આહાઝના સમયમાં અરામનો રાજા રસીન તથા ઇઝરાયલના રાજા રમાલ્યાનો દીકરો પેકા યરુશાલેમની સાથે લડવાને ચઢી આવ્યા; પણ તેઓ તે પર ફતેહ પામી શક્યા નહિ.