૨ રાજા 15:10 - પવિત્ર બાઇબલ OV Reference Bible (BSI)

¹⁰ યાબેશના દીકરા શાલ્લૂમે તેની વિરુદ્ધ બંડ કર્યું, ને લોકોની આગળ તેને મારીને મારી નાખ્યો, ને તેની જગાએ પોતે રાજ કર્યું.

પવિત્ર બાઇબલ C.L.

¹⁰ યાબેશના પુત્ર શાલ્લૂમે કાવતરું ઘડી ઝખાર્યા રાજાને ઇબ્લીમમાં મારી નાખ્યો અને તેની રાજસત્તા પચાવી પાડી.

ઇન્ડિયન રીવાઇઝ્ડ વર્ઝન ગુજરાતી - 2019

¹⁰ યાબેશના દીકરા શાલ્લૂમે તેની વિરુદ્ધ ષડયંત્ર રચ્યું, લોકોની આગળ તેના પર હુમલો કરીને તેને મારી નાખ્યો. પછી તેની જગ્યાએ તે રાજા બન્યો.

પવિત્ર બાઈબલ

¹⁰ યાબેશના પુત્ર શાલ્લૂમે તેની વિરૂદ્ધ કાવતરું કર્યું. ઇબ્લામ ખાતે તેને મારી નાખ્યો અને તેના પછી તે પોતે ગાદીએ આવ્યો.

૨ રાજા 15:10 Iomraidhean Croise

૧ રાજા 15:28

યહૂદિયાના રાજા આસાને ત્રીજે વર્ષે બાશાએ મારી નાખીને તેની જગાએ રાજ કરવા માંડ્યું.

૨ રાજા 12:21

કેમ કે શિમાથના દીકરા યોઝાખારે તથા શોમેરના દીકરા યહોઝાબાદે એટલે તેના ચાકરોએ તેને માર્યો, ને તે મરણ પામ્યો. અને તેઓએ તેને તેના પિતૃઓ સાથે દાઉદના નગરમાં દાટ્યો; અને તેના દીકરા અમાસ્યાએ તેની જગાએ રાજ કર્યું.

૨ રાજા 14:19

અને યરુશાલેમમાં લોકોએ તેની સામે બંડ કર્યું, તેથી તે લાખીશ નાસી ગયો; પણ તેઓએ તેની પાછળ લાખીશમાં માણસો મોકલીને ત્યાં તેને મારી નાખ્યો.

૨ રાજા 15:11

હવે ઝખાર્યાનાં બાકીનાં કૃત્યો, જુઓ, તે ઇઝરયલના રાજાઓનાં કાળવૃત્તાંતના પુસ્તકમાં લખેલાં છે.

૨ રાજા 15:14

ગાદીનો દીકરો મનાહેમ તિર્સાથી ચઢી આવીને સમરુન આવ્યો, ને તેણે યાબેશના દીકરા શાલ્લૂમને સમરુનમાં મારીને મારી નાખ્યો, ને તેની જગાએ પોતે રાજ કર્યું.

૨ રાજા 15:22

મનાહેમ પોતાના પિતૃઓ સાથે ઊંઘી ગયો. અને તેના દીકરા પકાહ્યાએ તેની જગાએ રાજ કર્યું.

૨ રાજા 15:25

તેના સરદાર રમાલ્યાના દીકરા પેકાહે તેની સામે વિદ્રોહ કર્યો, ને તેને સમરુનમાં રાજમહેલના કિલ્લામાં આર્ગોબ તથા આર્યેહ સુદ્ધાં મારી નાખ્યો. તેની સાથે ગિલ્યાદીઓમાંના પચાસ માણસ હતા. અને પેકાહે તેને મારી નાખીને તેની જગાએ રાજ કર્યું.

૨ રાજા 15:30

ઉઝિયાના દીકરા યોથામને વીસમે વર્ષે એલાના દીકરા હોશિયાએ રમાલ્યાના દીકરા પેકાહ સામે બંડ કર્યું, ને તેને મારીને મારી નાખ્યો, ને પોતે તેને સ્થાને રાજ કર્યું.

૨ રાજા 15:9

તેના પિતૃઓએ કર્યું હતું તેમ તેણે યહોવાની ર્દષ્ટિમાં જે ભૂંડું હતું તે કર્યું. નબાટના દીકરા યરોબામનાં પાપ જે વડે તેણે ઇઝરયલ પાસે પાપ કરાવ્યું હતું, તેમાંથી તે દૂર રહ્યો નહિ.

૨ રાજા 9:24

પછી યેહૂએ પોતાના પૂરા બળથી પોતાનું ધનુષ્ય ખેંચીને યોરામને ખભાઓની વચમાં બાણ માર્યું, તે બાણ તેના હ્રદયમાં થઈને બહાર ફૂટી નીકળ્યું, ને તે રથમાં ઢળી પડ્યો.

૨ રાજા 9:31

એહૂ દરવાજામાં પ્રવેશ્યો ત્યારે ઇઝબેલે પૂછયું, “હે પોતાના ધણીનું ખૂન કરનાર, ઝિમ્રી, શું શાંતિ છે?”

હોશિયા 7:7

તેઓ સર્વ ભઠ્ઠીની માફક ગરમ છે, ને પોતાના ન્યાયધીશોને સ્વાહા કરી જાય‌ છે; તેઓના સર્વ રાજાઓ માર્યા ગયા છે. તેઓમાંનો કોઈ પણ મને વિનંતી કરતો નથી.

હોશિયા 8:4

તેઓએ રાજાઓ સ્થાપ્યા છે, પણ મારી સંમતિથી નહિ, તેઓએ અમલદારો ઠરાવ્યા છે, પણ હું તે જાણતો નહોતો. [પોતાનો] નાશ કરવાને માટે તેઓએ પોતાના સોનારૂપાની મૂર્તિઓ બનાવી છે.

આમોસ 7:9

ઇસહાકનાં ઉચ્ચસ્થાનો ઉજ્જડ થશે, ને ઇઝરાયલનાં પવિત્રસ્થાનોને વેરાન કરી મૂકવામાં આવશે; અને હું તરવાર લઈને યરોબામના વંશની વિરુદ્ધ ઊઠીશ.”