૧ રાજા 16:16 - પવિત્ર બાઇબલ OV Reference Bible (BSI)

¹⁶ છાવણીમાંના લોકોએ સાંભળ્યું કે, ઝિમ્રીએ બંડ કર્યું છે, ને રાજાને પણ મારી નાખ્યો છે; તેથી સર્વ ઇઝરાયલીઓએ તે જ દિવસે છાવણીમાં સેનાપતિ ઓમ્રીને ઇઝરાયલ પર રાજા ઠરાવ્યો.

પવિત્ર બાઇબલ C.L.

¹⁶ તેમણે જ્યારે સાંભળ્યું કે ઝિમ્રીએ રાજા સામે વિદ્રોહ કરીને તેને મારી નાખ્યો છે ત્યારે તેમણે ત્યાં લશ્કરી છાવણીમાં જ સેનાપતિ ઓમ્રીને ઇઝરાયલના રાજા તરીકે જાહેર કરી દીધો.

ઇન્ડિયન રીવાઇઝ્ડ વર્ઝન ગુજરાતી - 2019

¹⁶ જ્યારે સેનાને ખબર પડી કે “ઝિમ્રીએ રાજા વિરુદ્ધ બંડ કરી તેનું ખૂન કર્યુ છે.” ત્યારે તે દિવસે છાવણીમાં તેઓએ સેનાપતિ ઓમ્રીને ઇઝરાયલ પર નવા રાજા તરીકે જાહેર કર્યો.

પવિત્ર બાઈબલ

¹⁶ જ્યારે સેનાને ખબર પડી કે ઝિમ્રીએ રાજા વિરુદ્ધ કાવતરું કરી, તેનું ખૂન કર્યુ છે. ત્યારે તેઓએ સેનાપતિ ઓમ્રીને નવા રાજા તરીકે જાહેર કર્યો.

૧ રાજા 16:16 Iomraidhean Croise

૧ રાજા 15:27

અને ઈસ્સાખારના ઘરના અહિયાના દીકરા બાશાએ તેની વિરુદ્ધ બંડ કર્યું, અને બાશાએ તેને પલિસ્તિઓના ગિબ્બથોન પાસે માર્યો; કેમ કે નાદાબ તથા સર્વ ઇઝરાયલે ગિબ્બથોનને ઘેરી લીધું હતું.

૧ રાજા 16:15

યહૂદિયાના રાજા આસાને સત્તાવીસમે વર્ષે ઝિમ્રીએ તિર્સામાં સાત દિવસ રાજ કર્યું. હવે લોકોએ પલિસ્તીઓનાં ગિબ્બથોનની સામે છાવણી નાખી હતી.

૧ રાજા 16:17

ઓમ્રીએ તથા તેની સાથે સર્વ ઇઝરાયલીઓએ ગિબ્બથોન આગળથી ઊપડી જઈને તિર્સાને ઘેરો કર્યો.

૧ રાજા 16:30

અને ઓમ્રીના દીકરા આહાબે તેની પહેલાંના સર્વ [રાજાઓ] કરતાં યહોવાની ર્દષ્ટિમાં જે ભૂંડું હતું તે કર્યું.

૨ રાજા 8:26

અહાઝ્યા રાજ કરવા લાગ્યો ત્યારે તે બાવીસ વર્ષનો હતો. તેણે યરુશાલેમમાં એક વર્ષ રાજ કર્યું. તેની માનું નામ અથાલ્યા હતું. એ ઇઝરાયલના રાજા ઓમ્રીની દીકરી હતી.

૨ કાળવૃત્તાંત 22:2

અહાઝ્યા રાજા થયો ત્યારે તે બેતાળીસ વર્ષનો હતો. તેણે યરુશાલેમમાં એક વર્ષ સુધી રાજ કર્યું, તેની માનું નામ અથાલ્યા હતું. તે ઓમ્રીની પુત્રી હતી.

મીખાહ 6:16

કેમ કે ઓમ્રીના વિધિઓનું તથા આહાબના કુટુંબના સર્વ રીતરીવાજોનું પાલન કરવામાં આવ્યું છે, અને તમે તેઓની શિખામણ પ્રમાણે ચાલો છો; એથી હું તમને વેરાન કરીશ, ને તમારા રહેવાસીઓને તિરસ્કારપાત્ર કરી નાખીશ, અને તમારે મારા લોકો [હોવાનું] મહેણું સાંભળવું પડશે.”