૧ રાજા 11:21 - પવિત્ર બાઇબલ OV Reference Bible (BSI)

²¹ હદાદે મિસરમાં સાંભળ્યું કે દાઉદ પોતાના પિતૃઓની સાથે ઊઘી ગયો છે, ને યોઆબ સેનાપતિ મરણ પામ્યો છે, ત્યારે હદાદે ફારુનને કહ્યું, “મને અહીંથી વિદાય કરો, કે હું મારા પોતાના દેશમાં ચાલ્યો જાઉ.”

પવિત્ર બાઇબલ C.L.

²¹ હદાદને ઇજિપ્તમાં સમાચાર મળ્યા કે દાવિદ મૃત્યુ પામ્યો છે અને તેનો સેનાપતિ યોઆબ પણ મરી ગયો છે, ત્યારે હદાદે રાજાને કહ્યું, “મને મારા દેશમાં જવા દો.”

ઇન્ડિયન રીવાઇઝ્ડ વર્ઝન ગુજરાતી - 2019

²¹ જયારે હદાદને મિસરમાં સમાચાર મળ્યા કે દાઉદ તેના પિતૃઓ સાથે ઊંઘી ગયો છે અને તેનો સેનાપતિ યોઆબ પણ મૃત્યુ પામ્યો છે, ત્યારે તેણે ફારુનને કહ્યું, “મને અહીંથી વિદાય કર કે જેથી હું મારા પોતાના દેશમાં પાછો જાઉં.”

પવિત્ર બાઈબલ

²¹ જયારે હદાદને મિસરમાં સમાંચાર મળ્યા કે દાઉદ ચિરનિંદ્રામાં પોઢી ગયો છે, અને તેનો સેનાપતિ યોઆબ પણ મૃત્યુ પામ્યો છે, ત્યારે તેણે ફારુનને કહ્યું, “મને માંરા પોતાના દેશમાં પાછો જવા દો.”

૧ રાજા 11:21 Iomraidhean Croise

ઉત્પત્તિ 45:24

અને તેણે તેના ભાઈઓને વિદાય કર્યા, ને તેઓ ગયા; અને તેણે તેઓને કહ્યું, “જોજો, માર્ગે લડી પડતા નહિ.”

૨ શમુએલ 3:21

અને આબ્નેરે દાઉદને કહ્યું, “હું હવે ઊઠીને વિદાયગીરી લઈશ, ને સર્વ ઇઝરાયલને મારા મુરબ્બી રાજાની પાસે એકત્ર કરીશ કે, તેઓ તમારી સાથે કરાર કરે, ને તમે તમારા મનની ઇચ્છા હોય તે બધા પર રાજ કરો.” પછી દાઉદે આબ્નેરને વિદાય કર્યો. અને એ શાંતિએ ગયો.

૧ રાજા 11:20

તાહપાનેસની બહેનને પેટે પુત્ર થયો, તેનું નામ ગનુબાથ પાડવામાં આવ્યું, ને તાહપાનેસે તેને ફારુનના મહેલમાં ધાવણ મુકાવ્યું. અને ગનુબાથ ફારુનના મહેલમાં ફારુનના દીકરાઓ સાથે રહેતો.

૧ રાજા 11:22

ત્યારે ફારુને તેને કહ્યું, “મારે ત્યાં તને શી ખોટ પડી છે કે, જો તું તારા પોતાના દેશમાં જવા માગે છે?” હદાદે ઉત્તર આપ્યો, “કશી નહિ; ગમે તેમ હોય, પણ મને જવા દો.”

૧ રાજા 2:10

દાઉદ પોતાના પિતૃઓની સાથે ઊંઘી ગયો, ને તેને દાઉદનગરમાં દાટવામાં આવ્યો

૧ રાજા 2:34

ત્યારે યહોયાદાના દીકરા બનાયાએ જઈને યોઆબ પર તૂટી પડીને તેને મારી નાખ્યો. અને તેને અરણ્યમાં તેના પોતાના ઘરમાં દાટવામાં આવ્યો.

નિર્ગમન 4:19

અને મિદ્યાનમાં યહોવાએ મૂસાને કહ્યું, “મિસરમાં પાછો જા; કેમ કે જે માણસો તારો જીવ લેવા શોધતા હતા તેઓ સર્વ ગુજરી ગયા છે.”

માથ્થી 2:20

“ઊઠ, ને બાળક તથા તેની માને લઈને ઇઝરાયેલ દેશમાં જા; કેમ કે બાળકનો જીવ લેવાની જેઓ શોધ કરતા હતા, તેઓ મરી ગયા છે.”

યહોશુઆ 2:21

ત્યારે તેણે કહ્યું, “તમારા વચન પ્રમાણે થાઓ.” અને તેણે તેઓને વિદાય કર્યા, ને તેઓ ચાલ્યા ગયા; અને તેણે પેલી કિરમજી દોરડી બારીએ બાંધી.

૧ શમુએલ 9:26

તેઓ પરોઢિયે ઊઠ્યા; અને સુમારે સૂર્યાદયને સમયે એમ થયું કે શમુએલે શાઉલને ઘરના ધાબા ઉપર હાંક મારી કે, ઊઠ, હવે હું તને વિદાય કરું. શાઉલ ઊઠ્યો, ને તે તથા શમુએલ બન્‍ને બહાર ચાલી નીકળ્યા.