૧ કાળવૃત્તાંત 19:16 - પવિત્ર બાઇબલ OV Reference Bible (BSI)

¹⁶ અરામીઓએ જોયું કે ઇઝરાયલથી આપણે હારી ગયા છીએ, ત્યારે તેઓએ સંદેશિયાઓ મોકલીને નદીને પેલે પાર જે અરામીઓ હતા, તેઓને હદારએઝેરના સૈન્યાના સરદાર શોફાખની સરદારી નીચે તેડાવ્યા.

પવિત્ર બાઇબલ C.L.

¹⁶ પોતે ઇઝરાયલીઓ આગળ હાર પામ્યા છે એ જોઈને અરામીઓ યુફ્રેટિસ નદીની પૂર્વ તરફનાં અરામના સાત રાજ્યોનાં સૈન્ય લાવ્યા અને તેમને સોબાના રાજા હદાદેઝેરના સેનાપતિ શોફાખની સરદારી હેઠળ મૂક્યાં.

ઇન્ડિયન રીવાઇઝ્ડ વર્ઝન ગુજરાતી - 2019

¹⁶ અરામીઓ સમજી ગયા કે પોતે ઇઝરાયલીઓથી પરાજિત થયા છે. એટલે તેમણે સંદેશાવાહકો મોકલીને નદી પારના બીજા અરામીઓને હદાદેઝેરના સેનાપતિ શોફાખની આગેવાની હેઠળ બોલાવી લીધા.

પવિત્ર બાઈબલ

¹⁶ અરામીઓ સમજી ગયા કે પોતે ઇસ્રાએલીઓને હાથે હાર ખાધી છે. એટલે તેમણે સંદેશાવાહકો મોકલીને નદી પારના બીજા અરામીઓને હદારએઝેરના સેનાપતિ શોફાખની આગેવાની હેઠળ બોલાવી લીધા.

૧ કાળવૃત્તાંત 19:16 Iomraidhean Croise

૨ શમુએલ 10:16

હદાદેઝેરે માણસ મોકલીને નદીની પેલી બાજુ રહેનારાં અરામીઓને તેડાવ્યા; અને તેઓ હદાદેઝેરના સેનાપતિ શોબાખની સરદારી નીચે હેલામમાં આવ્યા.

૧ કાળવૃત્તાંત 19:15

આમ્મોનીઓએ જોયું કે, અરામીઓએ પીછેહઠ કરી છે, ત્યારે તેઓ પણ યોઆબના ભાઈ આબીશાયની આગળથી નાસીને નગરમાં ભરાઈ ગયા. પછી યોઆબ યરુશાલેમ પાછો આવ્યો.

૧ કાળવૃત્તાંત 19:17

દાઉદને એની ખબર મળી, એટલે તે સર્વ ઇઝરાયલને એકત્ર કરીને યર્દન ઊતર્યો, ને તેઓ જ્યાં હતા ત્યાં જઈ પહોંચીને તેણે તેઓની સામે વ્યૂહ રચ્યો. જ્યારે દાઉદ અરામીઓની સામે વ્યૂહ રચી રહ્યો, ત્યારે તેઓની સામે યુદ્ધ કર્યું.

ગીતશાસ્ત્ર 2:1

વિદેશીઓ કેમ તોફાન કરે છે, અને લોકો વ્યર્થ કલ્પના કેમ કરે છે?

યશાયા 8:9

હે વિદેશીઓ, થાય તે કરો, ને તમારા ભાંગીને ચૂરેચૂરા થઈ જશે! હે દૂર દેશના સર્વ લોકો, કાન દો, સજ્જ થાઓ, ને તમારા ભાંગીને ચૂરેચૂરા થઈ જશે.