ગીતોનું ગીત 8:11 - પવિત્ર બાઇબલ C.L.

¹¹ બઆલ-હામોનમાં શલોમોનને એક દ્રાક્ષવાડી હતી. તેણે તે દ્રાક્ષવાડી રખેવાળોને ભાડે આપી. દરેક રખેવાળે તે માટે એક હજાર ચાંદીના સિક્કા આપવાના થાય છે.

પવિત્ર બાઇબલ OV Reference Bible (BSI)

¹¹ સુલેમાનને બઆલ-હામોનમાં એક દ્રાક્ષાવાડી હતી; તેણે તે દ્રાક્ષાવાડી રખેવાળોને ભાડે આપી; તેના ફળને માટે દરેકને એક હજાર રૂપિયા લાવી આપવાના હતા.

ઇન્ડિયન રીવાઇઝ્ડ વર્ઝન ગુજરાતી - 2019

¹¹ સુલેમાનને બઆલ હામોનમાં એક દ્રાક્ષવાડી હતી તેણે તે દ્રાક્ષવાડી રખેવાળોને ભાડે આપી તેનાં ફળને માટે દરેકને ચાંદીના એક હજાર સિક્કા લાવીને આપવાના હતા.

પવિત્ર બાઈબલ

¹¹ સુલેમાનની બઆલ હામોનમાં એક દ્રાક્ષાવાડી હતી જે તેણે ખેડૂતોને ભાડે આપી દરેક ખેડૂતને તે પેટે ચાંદીના એક હજાર સિક્કા લાવીને આપવાના હતા.

ગીતોનું ગીત 8:11 Iomraidhean Croise

ઉત્પત્તિ 20:16

સારાને તેણે કહ્યું, “જો, હું તારા ભાઈને ચાંદીના હજાર સિક્કા આપું છું. તારી સાથેના સર્વ લોકો સમક્ષ એ તારા બચાવને અર્થે સાબિતીરૂપ છે. કારણ, તું સૌની સમક્ષ નિર્દોષ ઠરેલી છે.”

સભાશિક્ષક 2:4

મેં મોટાં મોટાં કામો કર્યાં. મેં મારે માટે મહેલ બાંયા અને દ્રાક્ષવાડીઓ રોપાવી.

ગીતોનું ગીત 1:6

મારા વર્ણને લીધે મારી સામે તુચ્છકારથી જોશો નહિ, કારણ, સૂર્યના તડકાએ મને દઝાડી છે. મારા બાંધવો મારા પર કોપાયમાન હતા. તેથી તેમણે મને દ્રાક્ષવાડીઓની ચોકી કરવાની કામગીરીમાં રોકી દીધી હતી. એને લીધે, મેં મારી દ્રાક્ષવાડીની, મારી જાતની દરકાર કરી નથી.

ગીતોનું ગીત 2:3

વનનાં વૃક્ષો મધ્યે સફરજનનું વૃક્ષ હોય, તેમ અન્ય નવયુવાનોમાં મારો પ્રીતમ છે. તેની છાયામાં બેસવાથી મને અત્યંત આનંદ થાય છે અને તેનું ફળ મને મીઠું લાગે છે.

ગીતોનું ગીત 7:12

આપણે વહેલાં ઊઠીને દ્રાક્ષવાડીમાં જઈશું અને જોઈશું કે દ્રાક્ષવેલાને ફૂલ આવ્યાં છે કે નહિ, કુમળી દ્રાક્ષો બેઠી છે કે નહિ, ને દાડમનાં ફૂલ ખૂલ્યાં છે કે નહિ. ત્યાં હું તને મારા પ્રેમનો અનુભવ કરાવીશ.

ગીતોનું ગીત 8:12

શલોમોનને તેના એક હજાર સિક્કા મળે તે વાજબી છે, અને ખેડૂતોને તેમના ભાગરૂપે બસો સિક્કા મળે તે ય વાજબી છે. પણ મારી પાસે તો મારી પોતાની, મારી માલિકીની દ્રાક્ષવાડી છે.

યશાયા 7:23

“તે સમયે જ્યાં ચાંદીના હજાર સિક્કાની કિંમતના હજાર દ્રાક્ષવેલા હતા તેવી દ્રાક્ષવાડીમાં કાંટા અને ઝાંખરા ઊગી નીકળશે.

માર્ક 12:1

પછી ઈસુએ તેમની સાથે ઉદાહરણો દ્વારા વાત કરી: “એક માણસે દ્રાક્ષવાડી રોપી, તેની આસપાસ વાડ કરી, ખાડો ખોદીને દ્રાક્ષ પીલવાનો કુંડ બનાવ્યો અને ચોકી કરવાનો બુરજ બાંધ્યો. પછી એ દ્રાક્ષવાડી ખેડૂતોને ભાગે આપીને તે પરદેશ મુસાફરીએ ગયો.