નહેમ્યા 3:13 - પવિત્ર બાઇબલ C.L.

¹³ હાનૂન તથા ઝાનોઆ નગરના રહેવાસીઓએ “ખીણનો દરવાજો” ફરીથી બાંધ્યો. તેમણે તેની બારસાખો તથા તેનાં બારણાં ચડાવ્યાં અને દરવાજો બંધ કરવા નકુચા તથા પાટિયાં બેસાડયાં. વળી, તેમણે “કચરાના દરવાજા” સુધી લગભગ ચારસો પચાસ મીટર જેટલા કોટની મરામત કરી.

પવિત્ર બાઇબલ OV Reference Bible (BSI)

¹³ હાનૂન તથા ઝાનોઆના રહેવાસીઓ ખીણના દરવાજાની મરામત કરતા હતા. તેઓએ તે બાંધીને તેનાં કમાડો ચઢાવ્યાં, તેમને મિજાગરાં જડ્યાં તથા ભૂંગળો બેસાડી, તથા કચરાના દરવાજા સુધી એક હજાર હાથ જેટલો કોટ પણ [બાંધ્યો].

ઇન્ડિયન રીવાઇઝ્ડ વર્ઝન ગુજરાતી - 2019

¹³ હાનૂન તથા ઝાનોઆના રહેવાસીઓ ખીણના દરવાજાનું સમારકામ કરતા હતા. તેઓએ તે કામ પૂરું કરીને તેના દરવાજા બેસાડ્યા અને તેને મિજાગરાં જડ્યાં તથા ભૂંગળો બેસાડી. તેઓએ કચરાના દરવાજા સુધી એક હજાર હાથ જેટલી લાંબી દીવાલનું સમારકામ કર્યું હતું.

પવિત્ર બાઈબલ

¹³ હાનૂન અને ઝાનોઆહના માણસોએ ખીણના દરવાજાનું સમારકામ કર્યુ હતું. તેઓએ તે બાંધીને તેના કમાડ ચઢાવ્યાં અને તેમને મિજાગરાં જડ્યાં તથા દરવાજાના સળિયા બેસાડ્યા. તે પછી તેઓએ કચરા દરવાજા સુધી 1,000 હાથ જેટલી દીવાલનું સમારકામ કર્યુ હતું.

નહેમ્યા 3:13 Iomraidhean Croise

૨ કાળવૃત્તાંત 26:9

ઉઝિયાએ ખૂણાના દરવાજે, ખીણના દરવાજે અને જ્યાં જ્યાં કોટનો વળાંક હોય ત્યાં ત્યાં બુરજો બાંધીને યરુશાલેમના કોટને મજબૂત કર્યો.

નહેમ્યા 11:30

ઝાનોઆ, અદુલ્લામ તથા તેમનાં ગામડાંઓમાં વસ્યા. તેઓ લાખીશમાં અને તેની નજીકનાં ખેતરોમાં અને અઝેકા તથા તેનાં ગામોમાં વસ્યા. આમ, યહૂદિયાના લોકોએ દક્ષિણે બેર-શેબાથી ઉત્તરે હિન્‍નોમખીણ સુધીના પ્રદેશમાં વસવાટ કર્યો.

નહેમ્યા 2:13

પશ્ર્વિમ તરફ “ખીણના દરવાજે” શહેર બહાર નીકળીને દક્ષિણ તરફ “અજગર કુંડ” થઈને હું “કચરાના દરવાજા” સુધી ગયો. ફરતાં ફરતાં મેં શહેરના તૂટેલા કોટનું અને અગ્નિથી બાળી નાખેલા દરવાજાઓનું નિરીક્ષણ કર્યું.

નહેમ્યા 2:15

તેથી હું ખીણ તરફ ગયો અને મેં કોટનું અવલોકન કર્યું. ત્યાર પછી જે માર્ગે હું નીકળ્યો હતો ત્યાં ગયો અને “ખીણના દરવાજા” થઈ શહેરમાં પાછો ગયો.

યહોશુઆ 15:34

ઝાનોઆ, એનગાન્‍નીમ, તાપ્પૂઆ, એનામ,

યહોશુઆ 15:56

યિભએલ, યોકદઆમ, ઝાનોઆ.