યહોશુઆ 9:11 - પવિત્ર બાઇબલ C.L.

¹¹ તેથી અમારા આગેવાનો અને અમારા દેશના સર્વ રહેવાસીઓએ અમને મુસાફરી માટે થોડો ખોરાક લઈને તમને મળવા જવાનું કહ્યું. અમે તમારા જ દાસ છીએ અને તેથી તમે અમારી સાથે સંધિકરાર કરો, એવું તમને કહેવા તેમણે અમને કહ્યું હતું.

પવિત્ર બાઇબલ OV Reference Bible (BSI)

¹¹ એ માટે અમારા વડીલો તથા અમારા દેશના સર્વ રહેવાસીઓએ અમને એમ કહ્યું, ‘મુસાફરીને માટે તમારા હાથમાં ભાથું લઈને તેઓને મળવા જાઓ, ને તેઓને કહો, અમે તમારા દાસ છીએ.’ અને હવે તમે અમારી સાથે કોલકરાર કરો.

ઇન્ડિયન રીવાઇઝ્ડ વર્ઝન ગુજરાતી - 2019

¹¹ અમારા વડીલો તથા અમારા દેશના રહેવાસીઓએ અમને કહ્યું, ‘મુસાફરીમાં ખાવાને સારુ તમારા હાથમાં ભાથું લઈને જાઓ. તેઓને મળવાને જાઓ અને તેઓને કહો, “અમે તમારા સેવકો છીએ. અમારી સાથે સુલેહ કરો.”

પવિત્ર બાઈબલ

¹¹ તેથી અમાંરા આગેવાનોએ અને અમાંરા દેશના બધા લોકોએ અમને કહ્યું, ‘મુસાફરી માંટે જરૂરી ભાથું લઈને એ લોકોને જઈને મળો’ અને કહો કે, ‘અમે તમાંરા દાસ છીએ એટલે અમાંરી સાથે કૃપા કરીને સંધિ કરો. આ અમાંરા રોટલા જુઓ.’”

યહોશુઆ 9:11 Iomraidhean Croise

ઉત્પત્તિ 43:12

તમારી સાથે બમણાં નાણાં લઈ જાઓ. કારણ, તમારી ગૂણોના મોંમાં મળેલાં નાણાં તમારે પાછાં લઈ જવા પડશે. કદાચ કંઈક ભૂલથાપ થઈ હશે.

૨ રાજા 10:5

તેથી રાજમહેલના અધિકારીઓ અને નગરના સંરક્ષકોએ, અગ્રગણ્ય નાગરિકો અને વાલીઓએ મંત્રણા કરીને યેહૂ પર આ સંદેશો મોકલ્યો: “અમે તમારા સેવકો છીએ અને તમે કહો તે કરવા તૈયાર છીએ. અમે તો કોઈને રાજા બનાવવાના નથી; તમને યોગ્ય લાગે તેમ કરો.”

એસ્તેર 8:17

પ્રત્યેક પ્રાંત અને પ્રત્યેક શહેર જ્યાં જ્યાં રાજાના હુકમની જાહેરાત થઈ ત્યાં ત્યાં યહૂદીઓ આનંદવિભોર થઈ ગયા. તેઓ ખાનપાનમાં ઉત્સવ મનાવવા લાગ્યા. વાસ્તવમાં, કેટલાક લોકો તો બીકના માર્યા યહૂદી થઈ ગયા.

લૂકની લખેલી સુવાર્તા 9:3

તેમણે તેમને કહ્યું, “મુસાફરીમાં તમારી સાથે લાકડી, થેલી, ખોરાક, પૈસા કે વધારાનું ખમીશ એવું કંઈ લેતા નહિ.

યહોશુઆ 1:11

છાવણીમાં બધે ફરીને લોકોને કહો કે થોડો ખોરાક તૈયાર કરી લો, કારણ, પ્રભુ તમારા ઈશ્વર તમને જે દેશ વતન તરીકે આપે છે તેને પ્રાપ્ત કરવા માટે તમારે ત્રણ દિવસમાં યર્દન નદી ઓળંગવાની છે.

યહોશુઆ 9:10

વળી, યર્દનની પૂર્વગમના અમોરી રાજાઓ એટલે, હેશ્બોનના રાજા સિહોન અને આશ્તારોથમાં રહેનાર બાશાનના રાજા ઓગના તેમણે જે હાલ કર્યા તે પણ અમે સાંભળ્યું છે.

યહોશુઆ 9:12

આ અમારી રોટલી જુઓ. અમે એ લઈને તમને મળવાને ઘેરથી નીકળ્યા ત્યારે તો તે ગરમાગરમ હતી. પણ જુઓ, હવે તે સુકાઈ ગયેલી અને ફૂગાઈ ગયેલી છે.

યહોશુઆ 9:8

તેમણે યહોશુઆને કહ્યું, “અમે તમારા દાસ છીએ.” યહોશુઆએ તેમને પૂછયું, “તમે કોણ છો? કયાંથી આવ્યા છો?”