યહોશુઆ 15:19 - પવિત્ર બાઇબલ C.L.

¹⁹ તેણે જવાબ આપ્યો, “મારા પ્રત્યે મહેરબાની દાખવો; તમે મને નેગેબના સૂકા પ્રદેશમાં જમીન આપી છે તેથી મને પાણીનાં ઝરણાં પણ આપો.” તેથી કાલેબે તેને ઊંચાણનાં અને નીચાણનાં ઝરણાં આપ્યાં.

પવિત્ર બાઇબલ OV Reference Bible (BSI)

¹⁹ તેણે ઉત્તર આપ્યો, “મને આશીર્વાદ આપ. તેં મને નેગેબમાં જમીન આપી છે, માટે પાણીના ઝરા પણ મને આપ.” અને તેણે તેને ઉપરના ભાગના ઝરા ને નીચાણના ઝરા આપ્યા.

ઇન્ડિયન રીવાઇઝ્ડ વર્ઝન ગુજરાતી - 2019

¹⁹ આખ્સાહએ ઉત્તર આપ્યો, “મારા પર વિશેષ કરીને કૃપા કર. તેં મને નેગેબની જમીન તો આપી જ છે, પાણીના થોડા ઝરા પણ મને આપ.” અને કાલેબે તેને ઉપરના ભાગના અને નીચાણના ભાગના ઝરા આપ્યાં.

પવિત્ર બાઈબલ

¹⁹ તેણીએ કહ્યું, “મને આશીર્વાદ આપો! તમે મને નેગેબનો સૂકો પ્રદેશ આપ્યો હતો. તેથી મને થોડી ભૂમિ આપો જેમાં પાણી હોય” આથી કાલેબે તેણીને ઉપરનાં અને નીચેનાં ઝરણાંઓ આપ્યાં.

યહોશુઆ 15:19 Iomraidhean Croise

ઉત્પત્તિ 12:9

પછી તે ત્યાંથી નીકળીને દેશના દક્ષિણ ભાગ નેગેબ તરફ આગળ વધ્યો.

ઉત્પત્તિ 33:11

કૃપા કરીને આ ભેટનો સ્વીકાર કરો. કારણ, ઈશ્વરે મારા પર કૃપા કરી છે અને મારી પાસે પુષ્કળ ઢોરઢાંક છે.” એ રીતે તેણે એસાવને ખૂબ આગ્રહ કર્યો, જેથી તેણે તે ભેટ સ્વીકારી.

2 કરિંથીઓ 9:5

આ ભાઈઓ મારી પહેલાં તમારી પાસે આવે અને જે દાન આપવાનું તમે વચન આપ્યું છે તે અગાઉથી ઉઘરાવી રાખે, તે માટે મેં તેમને વિનંતી કરવાનું જરૂરી ગણ્યું છે; જેથી જ્યારે હું આવું ત્યારે તે દાન તૈયાર હોય, અને તમે ફરજ પડયાથી નહિ, પણ સ્વેચ્છાએ આપો છો તેમ જણાય.

પુનર્નિયમ 33:7

તેણે યહૂદાના કૂળ વિષે કહ્યું: “હે પ્રભુ યહૂદાનો પોકાર સાંભળો, તેમને બીજાં કુળો સાથે જોડી દો: તે પોતાને માટે યુધ કરે, ત્યારે તેમના શત્રુઓ વિરુધ તેમને સહાય કરો.”

યહોશુઆ 15:18

લગ્નને દિવસે તેણે તેને તેના પિતા પાસેથી ખેતરની માગણી કરવા જણાવ્યું. તેથી તે ગધેડા પરથી ઊતરી પડી. તેથી કાલેબે તેને પૂછયું, “તારે શું જોઈએ છે?”

યહોશુઆ 15:20

યહૂદાના કુળના વંશજોને તેમનાં ગોત્ર પ્રમાણે મળેલો પ્રદેશ આ છે.

૧ શમુએલ 25:27

તેથી કૃપા કરીને તમારી આ સેવિકાની ભેટ સ્વીકારો અને તમારી સેવા કરનારા જુવાનોને આપો.