ન્યાયાધીશો 7:7 - પવિત્ર બાઇબલ C.L.

⁷ પ્રભુએ ગિદિયોનને કહ્યું, “લખલખાવીને પાણી પીનારા આ ત્રણસો માણસો દ્વારા હું તમારો બચાવ કરીશ અને તમને મિદ્યાનીઓ પર જય પમાડીશ. બાકીના બીજા સૌને ઘેર જવા જણાવ.”

પવિત્ર બાઇબલ OV Reference Bible (BSI)

⁷ પછી યહોવાએ ગિદિયોનને કહ્યું, “જે ત્રણસો માણસે પાણી લખલખાવીને પીધું, તેઓની હસ્તક હું તમને ઉગારીશ ને મિદ્યાનીઓને તારા હાથમાં સોંપીશ. અને બાકીના સર્વ માણસો પોતપોતાને ઘેર પાછા જાય.”

ઇન્ડિયન રીવાઇઝ્ડ વર્ઝન ગુજરાતી - 2019

⁷ ઈશ્વરે ગિદિયોનને કહ્યું, “જે ત્રણસો માણસોએ પાણી લખલખાવીને પીધું છે, તેઓની હસ્તક હું તમને ઉગારીશ અને મિદ્યાનીઓને તારા હાથમાં આપીશ. બીજા સર્વ માણસોને ઘર ભેગા થવા દે.

પવિત્ર બાઈબલ

⁷ પછી યહોવાએ ગિદિયોનને કહ્યું, “જીમથી પાણી પીનારા માંણસોની સંખ્યા 300 છે. આ 300 માંણસ દ્વારા હું તને જીત અપાવીશ અને મિદ્યાનીઓને તારા હાથમાં સોંપી દઈશ; બાકીના બધા સૈનિકો પોતપોતાને ઘરે પાછા જાય.”

ન્યાયાધીશો 7:7 Iomraidhean Croise

ન્યાયાધીશો 7:6

હાથના ખોબેખોબે પાણી લઈ લખલખાવીને પાણી પીનારા ત્રણસો માણસો હતા. બાકીના બીજા બધા ધૂંટણિયે પડીને પાણી પીનારા હતા.

ન્યાયાધીશો 7:8

તેથી ગિદિયોને બાકીના સર્વ ઇઝરાયલીઓને ઘેર મોકલી આપ્યા, પણ પુરવઠો અને રણશિંગડાં રાખનારા માત્ર પેલા ત્રણસોને રાખ્યા. મિદ્યાનીઓની છાવણી તેમની નીચે ખીણમાં હતી.

૧ શમુએલ 14:6

યોનાથાને પેલા યુવાનને કહ્યું, “ચાલ, આપણે એ પરપ્રજાના પલિસ્તીઓની છાવણીમાં જઈ પહોંચીએ. પ્રભુ આપણી મદદ કરશે. જો પ્રભુ ઇચ્છે તો આપણે થોડા કે વધારે હોઈએ તો પણ આપણને વિજય મેળવવામાં કંઈ અવરોધ નડશે નહિ.”

૧ શમુએલ 23:4

તેથી દાવિદે ફરીથી પ્રભુને પૂછી જોયું અને પ્રભુએ તેને કહ્યું, “જઈને કઈલા પર હુમલો કર. કારણ, આજે હું તને પલિસ્તીઓ પર વિજય પમાડીશ.”