ન્યાયાધીશો 18:18 - પવિત્ર બાઇબલ C.L.

¹⁸ પેલા માણસોએ મિખાના ઘરમાં જઈને ચાંદીમઢિત લાકડાની કોતરેલી મૂર્તિઓ તથા એફોદ લઈ લીધાં ત્યારે યજ્ઞકારે કહ્યું, “તમે આ શું કરો છો?”

પવિત્ર બાઇબલ OV Reference Bible (BSI)

¹⁸ જ્યારે તેઓ મિખાના ઘરમાં ગયા, ને કોરેલી મૂર્તિ, એફોદ તથા તરાફીમ તથા ગાળેલી મૂર્તિ લઈ આવ્યા, ત્યારે પુરોહિતે તેઓને પૂછ્યું, “તમે આ શું કરો છો?”

ઇન્ડિયન રીવાઇઝ્ડ વર્ઝન ગુજરાતી - 2019

¹⁸ જયારે તેઓ મિખાના ઘરમાં ગયા અને કોતરેલી મૂર્તિ, એફોદ, તરાફીમ તથા ગાળેલી મૂર્તિ લઈ આવ્યા ત્યારે યાજકે તેઓને કહ્યું, “તમે આ શું કરો છો?”

પવિત્ર બાઈબલ

¹⁸ જ્યારે યુવાન યાજકે પેલા પાંચ જણને મીખાહના ઘરમાં પેસીને લાકડાની કોતરેલી અને ચાંદીથી ઢાળેલી મૂર્તિ એફ્રોદ તથા બીજી મૂર્તિઓ લઈ બહાર જતા જોયા ત્યારે યાજકે તેમને પૂછયું, “શું કરો છો?”

ન્યાયાધીશો 18:18 Iomraidhean Croise

યશાયા 46:2

તેઓ એક સાથે નમી જાય છે અને ઝૂકી પડે છે. એ ભારરૂપ મૂર્તિઓ પોતાને બચાવી શકી નથી. હવે તેને બંદીવાન તરીકે ઉપાડી જવામાં આવે છે.

હઝકિયેલ 21:21

બેબિલોનનો રાજા રસ્તાઓ જ્યાં ફંટાય છે ત્યાં માર્ગદર્શક નિશાની આગળ ઊભો છે. કયે રસ્તે જવું તે જાણવા માટે તે તીર હલાવે છે, પોતાની મૂર્તિઓને પૂછે છે અને બલિ ચડાવેલ પ્રાણીનું કાળજું તપાસી જુએ છે.

લેવીય 26:1

પ્રભુએ કહ્યું, “તમે પૂજા કરવા માટે મૂર્તિઓ, પ્રતિમા, સ્તંભ કે કોતરેલા પથ્થર બનાવશો નહિ. હું પ્રભુ, તમારો ઈશ્વર છું.

ન્યાયાધીશો 18:17

પાંચ માણસો તો સીધા ઘરમાં પેસી ગયા અને ચાંદીએ મઢેલી લાકડાની કોતરેલી મૂર્તિ, અન્ય મૂર્તિઓ તથા એફોદ લઈ આવ્યા. પેલો યજ્ઞકાર તો દરવાજે છસો શસ્ત્રસજિત માણસો સાથે જ ઊભો હતો.

ન્યાયાધીશો 18:19

તેમણે તેને કહ્યું, “શાંત રહે, એક શબ્દ પણ બોલીશ નહિ. અમારી સાથે આવીને અમારો ગુરુ તથા યજ્ઞકાર બન. એક માણસના જ કુટુંબના યજ્ઞકાર બનવા કરતાં ઇઝરાયલીઓના એક આખા કુળના યજ્ઞકાર થવું તારે માટે સારું નથી?”