ન્યાયાધીશો 16:13 - પવિત્ર બાઇબલ C.L.

¹³ દલીલાએ શિમશોનને કહ્યું, “તમે હજી મને છેતરી રહ્યા છો અને સાચું કહેતા નથી. તમને કેવી રીતે બાંધી શકાય તે કહો.” તેણે તેને કહ્યું, “જો તું મારા વાળની સાત લટોને હાથશાળના તાણા વડે ગૂંથે અને તેમને એક ખીલા વડે તાણીને બાંધી દે તો મારું બળ ચાલ્યું જાય અને હું એક સામાન્ય માણસ જેવો બની જઉં.”

પવિત્ર બાઇબલ OV Reference Bible (BSI)

¹³ ત્યારે દલિલાએ સામસૂનને કહ્યું, “તેં અત્યાર સુધી મારી મશ્કરી કરી છે, ને મને જૂઠી જ વાતો કહી છે. તું શા વડે બંધાઈ શકે તે મને કહે.” સામસૂને તેને કહ્યું, “જો તું મારા માથાની સાત લટો થાનની સાથે વણે તો.”

ઇન્ડિયન રીવાઇઝ્ડ વર્ઝન ગુજરાતી - 2019

¹³ દલિલાએ સામસૂનને કહ્યું, “અત્યાર સુધી તેં મને છેતરીને મને જૂઠી વાતો કહી છે. હવે અમને કહે કે કેવી રીતે અમે તને હરાવી શકીએ?” સામસૂને તેને કહ્યું, “જો તું મારા માથાના વાળની સાત લટો તાણાની સાથે વણે તો હું અન્ય માણસો જેવો થઈ જઈશ.

પવિત્ર બાઈબલ

¹³ ત્યારે દલીલાહે સામસૂનને કહ્યું, “અત્યાર સુધી તમે માંરી હાંસી ઉડાવી અને મને ખોટું કહ્યું, પણ હવે મને કહો, માંરે જો તમને બાંધવા હોય તો માંરે કેવી રીતે કરવું?” સામસૂને કહ્યું, “જો તું માંરા માંથાના વાળની સાત લટોને સાળનો ઊપયોગ કરી તેની સાથે ગૂંથી લે અને મને ખીલીથી જકડી દે, તો હું કોઈ પણ બીજા માંણસ જેવો જ દૂર્બળ થઈ જાઉં,” તેથી તેણે તેને ઊંધાડી દીધો.

ન્યાયાધીશો 16:13 Iomraidhean Croise

ન્યાયાધીશો 14:17

મિજબાનીના સાતેય દિવસ દરમ્યાન તે તેને માટે રડતી રહી. છેવટે સાતમે દિવસે તેના દુરાગ્રહને વશ થઈ તેણે તેને અર્થ કહી દીધો. પછી તેણે તે પલિસ્તીઓને જણાવ્યો.

ન્યાયાધીશો 16:10

દલીલાએ શિમશોનને કહ્યું, “તમે તો મને છેતરો છો અને સાચી વાત કહેતા નથી. તમને કોઈ કેવી રીતે બાંધી શકે તે કૃપા કરી મને કહો.”

ન્યાયાધીશો 16:12

તેથી દલીલાએ નવાં દોરડાં મેળવીને શિમશોનને બાંધ્યો. પછી તેણે બૂમ પાડી, “શિમશોન, પલિસ્તીઓ તમારા પર ચડી આવ્યા છે!” માણસો બીજા એક ખંડમાં રાહ જોતા સંતાયા હતા. પણ તેણે સૂતરના દોરાની જેમ એ દોરડાંને પોતાના હાથ પરથી તોડીને ફેંકી દીધાં.

ન્યાયાધીશો 16:14

પછી દલીલાએ તેને થાબડીને સુવાડી દીધો અને તેના વાળની સાત લટોને તાણા વડે ગૂંથી લીધી. તેણે તે ખીલા વડે તાણીને બાંધી દીધી અને પછી બૂમ પાડી, “શિમશોન, પલિસ્તીઓ તમારા પર ચડી આવ્યા છે!” શિમશોન જાગી ઊઠયો અને તેણે તાણા સહિત હાથશાળ અને ખીલાને ખેંચી કાઢયાં.