યશાયા 10:29 - પવિત્ર બાઇબલ C.L.

²⁹ તેઓ ખીણની પાર આવ્યા છે અને ગેબામાં રાતવાસો કર્યો છે. સમાના રહેવાસીઓ ધ્રૂજે છે અને શાઉલના નગર ગિબ્યાના લોકો નાસી ગયા છે.

પવિત્ર બાઇબલ OV Reference Bible (BSI)

²⁹ તેઓ ખીણની પાર આવ્યા છે, ગેબામાં તેઓએ ઉતારો કર્યો છે. રામા થરથરે છે; શાઉલનું ગિબયા નાસાનાસ કરે છે.

ઇન્ડિયન રીવાઇઝ્ડ વર્ઝન ગુજરાતી - 2019

²⁹ તેઓ ખીણની પાર આવ્યા છે; ગેબામાં તેઓએ ઉતારો કર્યો છે; રામા થરથરે છે; શાઉલનું ગિબયા નાસાનાસ કરે છે.

પવિત્ર બાઈબલ

²⁹ તેઓ ખીણની પાર આવ્યા છે; ગેબામાં તેઓએ ઉતારો કર્યો છે; રામા થથરે છે, શાઉલનું ગિબયાહ નાસાનાસ કરે છે;

યશાયા 10:29 Iomraidhean Croise

૧ રાજા 15:23

આસાનાં બાકીના કાર્યો, તેનાં પરાક્રમી કામો અને તેણે જે જે નગરોને કિલ્લેબંધીવાળાં બનાવ્યાં એ બધાની વિગતો યહૂદિયાના રાજાઓના ઇતિહાસમાં નોંધેલી છે. પણ તેની વૃદ્ધાવસ્થામાં તેને પગે દરદ થયું.

યર્મિયા 31:15

પ્રભુ આ પ્રમાણે કહે છે, “રામા પ્રદેશમાં રુદનનાં ડૂસકાં સંભળાય છે; એ અતિ કરુણ વિલાપ છે. રાહેલ પોતાનાં સંતાનો માટે રડે છે; અને તેના પુત્રો માટે સાંત્વન સ્વીકારવાની ના પાડે છે. કારણ, તેઓ તેની પાસે રહ્યાં નથી.

હોશિયા 10:9

પ્રભુ કહે છે, “ઇઝરાયલના લોકોએ ગિબ્યામાં તેમના પાપની શરૂઆત કરી ત્યારથી પાપ કરવાનું ચાલુ રાખ્યું છે. તેથી એ દુષ્ટોને લડાઈ ગિબ્યા પાસે જ ઝડપી લેશે.

હોશિયા 5:8

ગિબ્યામાં રણશિંગડું વગાડો! રામામાં તુરાઈ વગાડો! બેથ-આવેનમાં યુદ્ધનાદ ગજાવો! બિન્યામીનના પુરુષો, યુદ્ધમાં જોડાઈ જાઓ!

હોશિયા 9:9

અગાઉ ગિબ્યામાં જે કામો હતાં તેવાં તેમનાં કામ અતિ ભૂંડા છે. ઈશ્વર તેમનાં પાપ યાદ રાખીને તેમને સજા કરશે.

યહોશુઆ 21:17

બિન્યામીનના કુળપ્રદેશમાંથી તેમને નગરોનાં ગોચર સહિત ચાર નગરો આપવામાં આવ્યાં: ગિબ્યોન, ગેબા,

૧ શમુએલ 10:26

શાઉલ પણ ગિબ્યામાં પોતાને ઘેર ગયો. ઈશ્વરે જેમનાં દયને સ્પર્શ કર્યો હતો એવા કેટલાક શૂરવીર માણસો તેની સાથે ગયા.

૧ શમુએલ 11:4

શાઉલ રહેતો હતો ત્યાં ગિબ્યામાં સંદેશકો આવી પહોંચ્યા અને જ્યારે તેમણે સમાચાર આપ્યા ત્યારે લોકો પોક મૂકીને રડવા લાગ્યા.

૧ શમુએલ 13:16

શાઉલ, તેનો દીકરો યોનાથાન અને તેમના માણસો બિન્યામીનના કુળપ્રદેશના ગિબ્યામાં રહ્યા.

૧ શમુએલ 13:2

શાઉલે ત્રણ હજાર ઇઝરાયલીઓને પસંદ કર્યા અને બાકીના બીજા સૌને છાવણીમાં વિદાય કર્યા. તેણે પોતાની સાથે મિખ્માશમાં અને બેથેલના પહાડીપ્રદેશમાં બે હજાર રાખ્યા અને તેના પુત્ર યોનાથાનની સાથે બિન્યામીનના કુળપ્રદેશમાં ગિબ્યામાં એક હજાર રાખ્યા.

૧ શમુએલ 13:23

મિખ્માશ ઘાટ સાચવવા માટે પલિસ્તી સૈનિકોની એક ટુકડી આવી પહોંચી.”

૧ શમુએલ 14:2

શાઉલે ગિબ્યાથી થોડે દૂર મિગ્રોનમાં દાડમના વૃક્ષ હેઠળ છાવણી નાખી હતી. તેની સાથે છસો માણસો હતા.

૧ શમુએલ 14:4

પલિસ્તીઓની છાવણીમાં જવા માટે યોનાથાને જે ઘાટમાં થઈને પસાર થવું પડે તેમ હતું તેની બંને બાજુએ બે મોટા સીધા ચઢાણવાળા ખડક હતા, એકનું નામ બોસેસ અને બીજાનું નામ સેને હતું.

૧ શમુએલ 14:5

એક ખડક મિખ્માશની સામે ઘાટની ઉત્તર તરફ હતો અને બીજો ગિબ્યા સામે ઘાટની દક્ષિણ તરફ હતો.

૧ શમુએલ 15:34

પછી શમુએલ રામા ગયો અને શાઉલ રાજા પોતાને ઘેર ગિબ્યામાં ગયો.

૧ શમુએલ 7:17

પછી તે પોતાને ઘેર રામામાં જતો અને ત્યાં પણ ન્યાય કરતો. રામામાં તેણે પ્રભુને અર્થે એક વેદી બાંધી હતી.