ઉત્પત્તિ 27:19 - પવિત્ર બાઇબલ C.L.

¹⁹ યાકોબે પોતાના પિતાને કહ્યું, “હું એસાવ તમારો પ્રથમજનિત પુત્ર છું. મેં તમારા કહેવા પ્રમાણે કર્યું છે. હવે તમે બેઠા થાઓ અને મારો શિકાર ખાઈને મને આશિષ આપો.”

પવિત્ર બાઇબલ OV Reference Bible (BSI)

¹⁹ અને યાકૂબે પોતાના પિતાને કહ્યું, “હું એસાવ તમારો જ્યેષ્ઠ દિકરો છું; જેમ તમે મને કહ્યું હતું, તેમ મેં કર્યું છે; હું વિનંતી કરું છું કે બેઠા થઈને મારો શિકાર ખાઓ કે, તમારો જીવ મને આશીર્વાદ આપે.”

ઇન્ડિયન રીવાઇઝ્ડ વર્ઝન ગુજરાતી - 2019

¹⁹ યાકૂબે તેના પિતાને કહ્યું, “હું એસાવ તમારો જયેષ્ઠ દીકરો છું; તમારું કહ્યા પ્રમાણે મેં કર્યું છે. હવે, બેઠા થઈને મારો શિકાર ખાઓ અને મને આશીર્વાદ આપો.”

પવિત્ર બાઈબલ

¹⁹ યાકૂબે પોતાના પિતાને કહ્યું, “હું તમાંરો મોટો પુત્ર એસાવ છું, તમે જે કહ્યું હતું તે પ્રમાંણે મેં કર્યુ છે. હવે તમે બેઠા થાઓ, અને મેં જે શિકાર તમાંરા માંટે કર્યો છે તેની વાનગી ખાઈને મને આશીર્વાદ આપો.”

ઉત્પત્તિ 27:19 Iomraidhean Croise

ઉત્પત્તિ 25:25

પહેલો જન્મ્યો તે લાલ હતો. તેને આખા શરીરે વાળ હતા, જાણે રુંવાટીવાળું કપડું ન હોય! તેથી તેમણે તેનું નામ એસાવ (વાળવાળો) પાડયું.

ઉત્પત્તિ 25:28

ઇસ્હાક એસાવ પર પ્રેમ રાખતો હતો; કારણ, એસાવ જે શિકાર લાવે તેમાંથી તે ખાતો હતો. પણ રિબકા યાકોબ પર પ્રેમ રાખતી હતી.

ઉત્પત્તિ 27:18

યાકોબે તેના પિતા પાસે જઈને કહ્યું, “પિતાજી!” ઇસ્હાકે પૂછયું, “મારા દીકરા, તું કોણ છે?”

ઉત્પત્તિ 27:21

પછી ઇસ્હાકે યાકોબને કહ્યું, “મારા દીકરા, મારી પાસે આવ, જેથી હું હાથ ફેલાવીને ખાતરી કરું કે તું મારો પુત્ર એસાવ જ છે કે નહિ.”

ઉત્પત્તિ 27:31

તેણે ખૂબ સ્વાદિષ્ટ વાનગી તૈયાર કરી અને પોતાના પિતા પાસે લાવીને તે બોલ્યો, “પિતાજી, ઊઠો, તમારા પુત્રે લાવેલો શિકાર ખાઈ લો અને મને આશિષ આપો.”

ઉત્પત્તિ 27:35

પણ ઇસ્હાકે કહ્યું, “તારો ભાઈ દગો કરીને આશિષ પામી ગયો.”

ઉત્પત્તિ 27:4

અને મારે માટે મને ભાવે તેવી સ્વાદિષ્ટ વાનગી બનાવી લાવ, જેથી હું તે ખાઈને મારા મૃત્યુ પહેલાં તને આશિષ આપું.”

ઉત્પત્તિ 27:45

તારા ભાઈનો ક્રોધ ઊતરી જાય અને તેં જે કર્યું છે તે તે વીસરી જાય ત્યારે હું તને ત્યાંથી બોલાવી લઈશ. મારે તમને બન્‍નેને એક જ દિવસે ગુમાવવા નથી.”

૧ રાજા 13:18

પછી બેથેલના વૃદ્ધ સંદેશવાહકે તેને કહ્યું, “હું પણ તમારા જેવો સંદેશવાહક છું, અને પ્રભુની આજ્ઞાથી તમને મારે ઘેર લઈ આવવા અને તમારું સ્વાગત કરવા દૂતે મને જણાવ્યું છે.” પણ વૃદ્ધ સંદેશવાહક જૂઠું બોલતો હતો.

૧ રાજા 14:2

યરોબામે પોતાની પત્નીને કહ્યું. “તને કોઈ મારી પત્ની તરીકે ઓળખી જાય નહિ તે માટે વેશપલટો કરીને શીલો જા. ત્યાં, હું ઇઝરાયલનો રાજા બનીશ એવું ભવિષ્ય ભાખનાર સંદેશવાહક અહિયા રહે છે.

યશાયા 28:15

તમે બડાઈ મારો છો કે અમે તો મરણની સાથે કરાર કર્યો છે અને મૃત્યુલોક શેઓલ સાથે સંધિ કરી છે. વિનાશનો ચાબુક વીંઝાશે ત્યારે તે અમને અડશે નહિ. કારણ, અમે જુઠનો આશ્રય લીધો છે અને અસત્યને અમારો ઓથો બનાવ્યો છે.