હઝકિયેલ 27:10 - પવિત્ર બાઇબલ C.L.

¹⁰ ઇરાન, લુદ અને પુટના માણસો તારા લશ્કરમાં યોદ્ધાઓ હતા. તેઓ તારા સૈનિકગૃહોમાં પોતાની ઢાલો અને ટોપાઓ લટકાવતા હતા. તેમને કારણે તારો વૈભવ હતો.

પવિત્ર બાઇબલ OV Reference Bible (BSI)

¹⁰ ઈરાન, લૂદ તથા પૂટ તારા સૈન્યમાં તારા યોદ્ધાઓ તરીકે હતાં. તેઓએ તારી અંદર ઢાલ તથા ટોપ લટકાવ્યાં હતા; તેઓ તારી શોભા વધારતાં હતાં.

ઇન્ડિયન રીવાઇઝ્ડ વર્ઝન ગુજરાતી - 2019

¹⁰ ઇરાન, લૂદ તથા પૂટના તારા સૈન્યમાં તારા યોદ્ધા હતા. તેઓએ તારી અંદર ઢાલ અને ટોપ લટકાવ્યા હતા અને તેઓ તારી શોભા વધારતા હતા!

પવિત્ર બાઈબલ

¹⁰ “‘તારા સૈન્યમાં પારસ, લૂદ અને પૂટના માણસો સૈનિકો તરીકે સેવાઓ આપતા હતા. તેઓ તારી ભીતો ઉપર ઢાલો અને ટોપો લટકાવતા હતા અને તારી શોભા વધારતા હતા.

હઝકિયેલ 27:10 Iomraidhean Croise

ઉત્પત્તિ 10:13

લુદીમ, અનામીમ, લહાબીમ, નાફતુહીમ, પાથરૂસીમ, કાસ્લુહીમ (તેના વંશજો પલિસ્તીઓ છે) તથા કાફતોરીમ લોકોનો પિતા મિસરાઈમ હતો.

ઉત્પત્તિ 10:22

શેમના પુત્રો: એલામ, આશ્શૂર, આર્પાકશાદ, લૂદ અને અરામ.

ઉત્પત્તિ 10:6

હામના પુત્રો: કુશ, મિસરાઈમ, પુટ અને કનાન.

૧ કાળવૃત્તાંત 1:11

મિસરાઈમથી લૂદ્દીમ, અનામીમ, લહાબીમ, નાફતુહીમ,

૧ કાળવૃત્તાંત 1:17

શેમના પુત્રો: એલામ, આશ્શૂર, આર્પાકશાદ, લૂદ, અરામ, ઉસ, હૂલ, ગેથેર તથા મેશેખ.

૧ કાળવૃત્તાંત 1:8

હામના પુત્રો: કૂશ, મિસરાઈમ, પૂટ તથા કનાન.

ગીતોનું ગીત 4:4

તારી ગરદન દાવિદના મિનારા જેવી ગોળ અને મુલાયમ છે. તેના પર હજાર ઢાલ લટકાવેલી હોય તેવી માળા છે.

યશાયા 66:19

હું તેમને નિશાની આપીશ અને જેમણે મારી ખ્યાતિ સાંભળી નથી અથવા મારું ગૌરવ જોયું નથી તેવા કેટલાક બચી જવા પામેલાઓને હું તાર્શિશ, પુટ, લુદ, મેશેખ, તુબાલ, યાવાન અને દરિયાપારના દેશોમાં મોકલી આપીશ. તેઓ ત્યાંની પ્રજાઓમાં મારો મહિમા પ્રગટ કરશે.

યર્મિયા 46:9

હે ઘોડેસ્વારો, આગેકૂચ કરો! રથો મારી મૂકો! સૈનિકો આક્રમણ કરો! કુશ અને પુટના ઢાલધારીઓ અને લૂદના પ્રવીણ ધનુર્ધારીઓ, આગળ વધો!

હઝકિયેલ 26:17

તેઓ તારે વિશે આ શોકગીત ગાશે: હે ખ્યાતનામ નગરી, તારો કેવો નાશ થયો છે! તારે ત્યાં સાગરખેડૂઓ વસતા હતા. તારી અને તારા રહેવાસીઓની સમુદ્ર વિસ્તારમાં આણ પ્રવર્તતી હતી. દરિયા કાંઠાના તમામ લોકો પર તમારી ધાક હતી.

હઝકિયેલ 27:11

આર્વાદના સૈનિકો તારા કોટની ચોકી કરતા હતા અને ગામાદના માણસો તારા બુરજો સાચવતા હતા. તેઓ તારા કોટ પર પોતાની ઢાલો લટકાવતા હતા. તેમણે જ તને સર્વાંગસુંદર બનાવ્યું હતું.

હઝકિયેલ 30:5

એ યુદ્ધમાં કૂશના, પૂટના, લૂદના સર્વ અરબી પ્રદેશો તથા કૂબના સૈનિકો માર્યા જશે. તેમજ ઇજિપ્ત સાથે સંધિથી જોડાયેલા અન્ય લોકોનો પણ સંહાર થશે.”

હઝકિયેલ 38:5

એ સૈન્યમાં ઇરાન, કૂશ તથા પુટનાં ઢાલ અને શિરટોપથી સજ્જ થયેલ સૈનિકો છે.

દાનિયેલ 5:28

પેરેસ એટલે ભાગલા. તમારા રાજ્યના વિભાગ પાડી દેવામાં આવ્યા છે અને તે માદીઓ અને ઇરાનીઓને આપવામાં આવ્યા છે.”

નાહૂમ 3:9

તે કુશ અને ઇજિપ્ત ઉપર રાજ્ય કરતું હતું અને તેની સત્તા અસીમ હતી. લુદ તેનું મિત્ર-રાજ્ય હતું.